அறிதலில் காதல்

ஏசுவே எந்தன் கர்த்தாவே

2011-12-25T20:22:00.006+05:30

சொல்லிக்கொள்ளாமல்
ஞானஸ்தானம்
வாங்கினாள்
சகோதரி

முன்னம் சொல்லியிருந்தாள்....
ஆனால் அது
இன்றென பகரவில்லை

யேசுவே எந்தன் கர்த்தாவே
உனக்கு ஸோஸ்த்திரம்
நல்லவேளை நீங்கள்
எங்க சொந்தக்காராக இருக்கவில்லை
இல்லையெனில் எப்படி என் தங்கை
உன்னை நேசிப்பால்

கலியுக கர்ணன் கிருத்துவத்தையே ஏற்றிருப்பான்
துரியோதனை விடுத்து
சமய சங்(கி/கொ)லிகள் பாடாய் படுத்துகிறது

காசுகாக மாறுகிறார்கள்
என அச்சு பிச்சென
எல்லா இந்திய சாதியும் சொல்லுகிறது
ஆப்பிரிக்காவிலும் இப்படி சொல்லக்கூடும்...
என்ன செய்ய
ஏசுவே எந்தன் கர்த்தாவே என்னை ஆதரி

- இயேசு: என் கிருபை உனக்குப் போதும் – 2கொரி.12:9

பிம்பங்களில் மறைந்துறங்கும் நாம்

2011-12-24T18:34:00.004+05:30

முப்பத்தைந்து வருட தனிமை
தனிமை கொடுக்கும் வெறுமை
வெறுமை கொடுக்கும் பித்து
பித்துகொடுக்கும் சந்தோஷவெளி
வெளியுடைக்கும் சத்தக்காரர்கள்
பார்த்தவுடன் நகர்ந்துவிடல்
சாத்தயங்களை சாத்தியபடுத்த சாதுரியங்கள்
தொடரும் விளையாட்டுகள்
மர்மம் ஞானம் தந்திரம்
என பாயும் வாழ்க்கை
எல்லாம் கடந்து போ என எவன் உளறினாலும்
கடக்கும் நேரங்களில் கவனமாயிரு என எவன் உரைப்பான்

Hey Figure

2011-12-22T20:57:00.003+05:30

நகரம்
உன்னால உண்டாச்சு காதல் fever
ஒட்னியே வந்து மருந்து கொடு
அதான் முத்தம்
இல்லாகாட்டி கோட்று வுட்டுன்னு வந்து
உன் க்வெட்டர்சுல கடை வைப்பேன்

க்ராமம்
களத்து மேட்டு காய்ந்த வைக்கோல் போர்ல
உருண்டு விளையாடியதும்
சர்காரான் கெனத்துல தாவனிய வரிஞ்சி கட்டி
தண்ணியெரைக்கும் உன் அழகு
தத்தளிக்கும் என் மனசு

நீ

2011-08-15T15:55:00.004+05:30

ஒரு புயல் போல
மின்னல் போல
கவனமற்ற நேரத்தில்
வந்தாய் நீ.

குறிக்கிறேன்,

கருங்காடு, சாம்பல்
பைக் குடைசாய்தல்
தென்னங்கீற்றில் சிக்கிய பட்டம்
பெஞ்சில் இரவு முழுவதும் ஆர்10
மறுநாள் மத்தியம் வரை ம.கா.நி
வால் பக்கம் தலைகொண்ட பாம்பு
கொத்தி கொள்கிறது பரஸ்பரம்

சாபம்
நீங்கிடாத சாபம்

ஒரிஜினல் இங்க
http://karuvelanizhal.blogspot.com/2011/08/blog-post.html

பதிவர்களும் சில மேட்டர்களும்

2011-05-05T17:03:00.006+05:30

இலக்கியவாதிகள்: comments are closed, இவர்கள் டீவியில் தலை காட்டுவார்கள்... அப்புறம் டீவியையே விமர்சிப்பார்கள். டீவியை பார்த்ததே இல்லையென சத்தியம் செய்வார்கள். உலகின் தலை சிறந்த கவிதையென்று ஒரு பெரிய சிறுகதையை கொடுத்து கான்சல் பண்ணுவார்கள். நான் அவர சொல்லல.. சும்மா பொதுவாதான் சொன்னேன். யாருக்கும் கமெண்ட் இட மாட்டார்கள்.

அடுத்த நிலை இலக்கியவாதிகள்: இவர்களின் comments box ஓப்பனில் இருக்கும் ஆனால் இவர்கள் தப்பி தவறி கூட மற்றவர்களுக்கு கமெண்ட் போட மாட்டாங்க... (அ சொல்லல)

பதிவர்களில் பிரபலம்: இவர்கள் ரொம்ப occasionalla மத்தவளுக்கு கமெண்டிடுவார்கள். அதுவும் - ஸ்மைலி ஆங் சூப்பர் - இத்தியாதிகள்.... 6 மாதத்திற்கு ஒரு முறை கமெண்டிடுவார்கள்.(நர்சிம்ம சொல்லல)

ரொம்ப பிரபல பதிவர்கள்: இவர்களும் யாருக்கும் கமெண்ட் போட மாட்டார்கள்.. தெருவில் நாம மரியாதைக்கு பேச முற்பட்டால் பெரிய லாடு லபக்கு தாஸ்ஸாட்டும் கிளம்பிவிடுவார்கள்... சில பிரபலங்கள் மதிச்சு பேசுவாங்கப்பா(அது அதிஷா தான்)

தைய்யா தக்கா பதிவர்கள்: இவர்கள் ஒரு குருப்பா அலைவார்கள்.. ஏமாந்த எவனாவது சாதரணமா எதாவது சொன்னாலும் ஊதிபெரிசு படுத்துவார்கள்... இவங்க குருப்பல பெரிய லெவல்ல கோல்மால் நடந்த பிறகு... I humbly request ன்னு பம்மாத்துவார்கள்.

புதிதாய் பிரபலமாகும் பதிவர்கள்: இவர்கள் ப்ளாக்ல கமெண்டு போட மாட்டார்கள்... ஆனால் சேட்டிங்கிள் வந்து பிச்சிட்டிங்க பிசஞ்ட்டீங்கனு பகருவார்கள்... கமெண்டு போட டைம்மில்ல என்பார்கள்.

ரவுடி பதிவர்கள்: கடவுள் என்பன் யார்?. அவன் என்ன எங்க வூட்ல மாவாட்டினா, களை பறித்தானா என்று சவுண்டுவுடுவார்கள்.. அப்புறம் ஹோட்டல் வெச்சிட்டு செட்டில் ஆகிடுவாங்க... யார் அந்த வால் பதிவர்ன்னு கேக்ககூடாது.

மிகவும் பிஸியான பதிவர்கள்: எப்போதும் பிஸியா டீவிட்டர், பேஸ்புக், பஸ் என்று எப்போதும் பிஸியா இருப்பாங்க... அடிக்கடி போட்டோவ மாத்துவாங்க... கவித எழுதுவாங்க..(வாசு தண்டோரா என நீங்கள் நினைத்தால் நான் பொறுப்பல்ல.)

சுவையான பதிவர்கள்: ரொம்ப பிரமாதமா எழுதகூடியவங்க ஆனால் பாருங்க எழுதாமல் பண்ண வைச்சுடுது இயற்கை. அதுலயும் R.P.ராஜநாயஹமெல்லாம் தொடர்ந்து எழுதியிருந்தால் பெரிய இலக்கியவாதிங்க பிளாக்கே ஆட்டம் கண்டுபோயிருக்கும். இதுல லேடிஸ் காலேஜ் வாசல்ல போய் நிக்கற நேரத்தல ஒரு பதிவு எழுதலாம் இருந்தாலும் நேரமில்லைன்னு பதிவு எழுதறது இல்ல இந்த ஆஞ்சனேயா... சே சே அது அனுஜன்யா இல்லங்க. பட்டர்பிளை சூர்யாவின் உலக சினிமா காத்து வாங்குதுங்க. சுவையான பதிவர்கள் லிஸ்ட்ல என் பேர சேர்க்க சொல்லி நீங்கல்லாம் கத்தறது கதறது எல்லாம் எனக்கு கேக்குதுங்க. விடுங்க எனக்கு தற்புகழ்ச்சியெல்லாம் புடிக்காது.

சில கவிஞர்கள் பதிவு எழுதிட்டு கமெண்டு போடலன்னா உதைப்பேன்னு மிரட்டுவாங்க... அவங்க பேரா...? அட அவங்க என் நண்பருங்க.. அதனால உட்டுருவோம் அவங்க பேர.

போரடிச்சுடுச்சு...அட எனக்குதாங்க.. பிறகு வேறேதாவது தலைப்புல பாக்கலாம்.. பை.

வெட்கிச் சிரித்தாள்

2011-03-01T13:25:00.002+05:30

விரல் பிடித்து
மலைமுகடுகளில்
மெதுவாக
சுற்ற வைத்து
கற்றுக்கொடுத்தாள்

நாலு வட்டத்திற்கு பின்
பொறுக்க இயலாமல்
மலைமேட்டினை
கடித்துவைத்தேன்

கடித்த வாயினை
சட்டென அறைந்துவைத்தாள்

வலிக்கும் உதடுகளால்
தடவி கொடுத்தேன்
கடித்த முகடுகளை

பிறகானது தலைப்பு

நெருக்கமான பின்பு படிக்க

2011-02-18T15:28:00.003+05:30

இரவின் தூக்கத்தில்
விழித்திருக்கிறது நெடிய வானம்
பிரித்து பார்க்கையில்
வாழ்விலில்லை சுகந்தம்

வனமான வாழ்வு
சொல்லும் நிறைவுறாத தேடல்
தேடல் என்பதும்
நிறைவுறாத வானம்

வாழ்வே ஒரு கொடும் கனவு
புணர்தலும்
புரிதலும்
செறிவுறாத
சாலை நோக்கி நகரும்
தேகம்...

உயிரெடுப்பதும்
உடல் சுருங்குவதும்
கானக்கிடைக்காத தங்கம்
தகரமும் தங்கமும்
உயிர் உடைத்த
EQUIVALENT

புரிதலும்
சிதறுதலும்
ஒன்றே

சாரு - சரசம், சல்லாபம், சாமியார்

2010-12-14T11:25:00.008+05:30

புத்தகவெளியீட்டில் அவரை பார்ப்பேன் என கிஞ்சித்தும் நினைக்கவில்லை. 90களில் அவரை ஒரு முறையாவது பார்ப்போமா என்று மனம் நாயாக அலைந்திருக்கிறது. நேரில் பார்த்தபோது(அதாவது ஒரு நாலைந்து rowக்கு பின்னே இருந்து பார்த்தேன்) பிறகு அவரை அருகாமையில் பார்த்தது நான்கைந்து வார்த்தைகளும் சில சொற்ப வினாடிகளும் - வாழ்வில் அற்புதமான கணங்கள். அவரும் ஆட்டோகிராப் போட்டுவிட்டு ஏதும் பேசாமல் ஒரு பார்வையோடு என் கை பிடித்து படியிறங்கி சென்றுவிட்டார். அவர் குஷ்பு என நீங்கள் நினைத்தால் அது தவறு. அவர் யார் என பின்னர் சொல்கிறேன்.

சாரு புத்தகத்தை யாரும் வாங்கவேண்டாம் எச்சரிக்கை.. அப்படி தறுதலையாக ஸாரி தவறுதலாக வாங்கியிருந்தால்.. தயவுசெய்து பிரித்து படிக்க ஆரம்பித்துவிடாதீர்கள்... அப்புறம் அந்த போதையை நிறுத்துதல் என்பது இயலாத விடயம். ’சரசம்-சல்லாபம்-சாமியார்’ என்ற புத்தகத்தை வாங்கிய கையோடு வீட்டுக்கு வந்து 2 தோசையை கிள்ளி போட்டுக்கொண்டு புத்தகத்தை படிக்க ஆரம்பிக்க(இரவு 11.30) அது விடியல் வரை துரத்திக்கொண்டே சென்றது.

இவர் சொல்லி நித்தியானந்தவை என்.எஸ்.பி நிகழ்ச்சியிக்கு பார்க்க போன பரிதாபமான ஜீவராசிகளில் நானும் ஒருவன். சென்றுவந்த மறுமாதமே அவர் தொலைக்காட்சிகளில் ரஞ்சிதாவுடன் காட்சி தந்து லோகத்தில் உள்ள குஞ்சுசுலுவானிகளிலிருந்து பெருசுகள் வரை அதிர்ச்சி தந்தது ஊரறிந்தது. ஆனாலும் நித்ய தியானம் நன்றாகவே இருந்தது. சக நண்பர்கள் நேரிலே வந்து கடைவைத்து கலாய்த்து போனார்கள். அப்போது எனக்கும் சாருவின் மீது எழுந்த கேள்விகளுக்கும் கோபங்களுக்கும் மிக அழகாக தெளிவாக அவருக்கே உரிய, ரோலர் கோஸ்டர் நடையில் ஒரு தொடராக fragments fragments ஆக, லாவகமாக நகர்த்தி சொல்கிறார். நாமும் அடுத்த சீன் என்ன என்று ஓடிக்கொண்டே இருக்க வேண்டியதுதான்.

புத்தகத்தில் நீங்கள் எதிர்பாரா விடயங்களையும் நிறைய தெளித்து போகிறார் போகிறபோக்கில். புத்தர், இஸ்லாம், கிறித்துவம், அகோரி, இமயமலை, சந்திரசேகர ரெட்டி, அபி எம்.பி. (அபிக்கு கொடுக்கற definition :)) மற்றும் ஷிரடி பாபா,பாபாஜி, யோகனந்தா என்று வந்து போகும் கதா பாத்திரங்களும் காத்தரமான விஷயங்களும் நிறைய. புத்தக வெளியீட்டில் கவிஞர் ரவிக்குமார் எம்.எல்.ஏ சொன்னது போல வார பத்திரிக்கைக்கு மட்டும் எழுதாமல் அதன் குறுக்கு வெட்டு தன்மைக்கு ஏற்றால் போல வாகர்களுக்கு என்ன சேரவேண்டுமோ அதை துனிந்து கொடுத்திருக்கும் சாருவுக்கு ஒரு சபாஷ்.

நான் என் வாழ்க்கையில் முதன் முறையாக ஆட்டோகிராப் வாங்கிய அந்த நபர் எழுத்துசித்தர் பாலகுமாரன் தான். சாரு பிஸியாகவே இருந்ததால் [பெண்களுடன் பேசிபடியே(அழகிய)] அவருடைய கையெழுத்து வாங்கமுடியவில்லை. உண்மையில் சாருவின் அங்கதம் மற்றும் புதுவகையான எழுத்தில் மயங்கியே பாலகுமாரனிலிருந்து(Osho, JK சேர்த்துக்கொள்ளவும்) சாருவை வந்தடைந்தேன். ஆனால் இந்த புத்தகத்தில் ஒன்று தெரிகிறது திரும்ப பாலகுமாரனுக்கே தாவிடலாமா அல்லது அமைதியாக இருந்துவிடலாமாவென? விழித்தெழுந்த மனிதர்கள் எல்லாம் ஒரே மாதிரிதான் பேசுகிறார்கள். இருந்தாலும் சாருவின் பன்முகத்தண்மை வியக்கவைக்கிறது.

கடைசிவரை குஷ்பு வராதது பெரிய ஆறுதலும் கூட. சாரு புத்தகங்களை உயிர்மை பதிப்பகம் 13.12.2010 அன்று காமராஜ் அரங்கத்தில் வெளியிட்டதை பற்றிய பிரபல பதிவர்களின் பதிவுகள்
http://pitchaipathiram.blogspot.com/2010/12/blog-post_16.html
http://www.jackiesekar.com/2010/12/13122010.html
http://www.narsim.in/2010/12/blog-post_15.html

இணையத்தில் வாங்க www.uyirmmai.com
உயிர்மை பதிப்பகம்
11/29, சுப்பிரமணியம் தெரு
அபிராமபுரம்
சென்னை – 6000018
91-44-24993448
uyirmmai@gmail.com

மனித நிறங்கள்

2010-10-04T23:02:00.006+05:30

எதிர் கவுஜை

எல்லோராலும் முடிவதில்லை
தினம் ஒரு குவாட்டர் அடிக்க
சுதந்திரமாய் ஒரு தம் அடிக்க
பிகர்களை சைட் அடிக்க
நல்ல காற்றை சுவாசிக்க
டிராபிக் இல்லாமல் வண்டியோட்ட
பொண்டாட்டி கிட்ட எதிர்த்துபேச

உண்மையாய் இருக்கிறேன்
பேக்காய் இருக்கிறேனாம்

ரெட்டை சிகப்பென்றும்
ப்ளுவை நீலமென்றும்
தலையாட்டமுடியவில்லை
(ஏன்னா ஸ்பான்டிலேட்டிஸ்)

மாற்ற நினைத்தாலும்
மாறாத சில லூசுகளைக்போல
மாறாத லூசு நான்

பீர்
பீர்தான்

நானும் அப்படியே
ஹாட்ல இருந்து
கூலுக்கு மாறிட்டேன்

ஒரிஜினல் இங்க கிளிக் செய்து படிக்கவும்.

எந்திரன் - ஒரு சிறிய பார்வை

2010-10-02T13:40:00.003+05:30

ஒரே கதையை வைத்து பல படங்கள் பண்ணிய ஷங்கர் இதில் I-Robot-ன் இன்ஸ்பேரேஷனில், இவர் ஸ்டைலில் படம் செய்து இருக்கிறார்.
Second half-ல் கலாபவன்மணியின் கண்களில் மண்ணைதூவிட்டு ஓடிவந்து மூச்சிறைக்கிறார்கள் கதையின் நாயகனும் நாயகியும்... அங்கே தான் படமும் மூச்சிரைக்க ஆரம்பிக்கறது. அங்கே தொடங்கியது வில்லன் ரஜினி ‘ரோபோ’ என்னும் வரையில் நம்மை வறுத்துதெடுக்கிறார்கள். முதல்பாதியில் உள்ள வேகம் இரண்டாவது பாதியில் இல்லை. ஷங்கரின் அடுத்த படம் மிகவும் போர் அடிக்கும்... இது எனது சொந்த கணிப்பு.
பாப்கார்ன் 70ரூ அது தியேட்டர் முழுக்க சிதறிகிடக்கிறது... 70 ரூபாய் என்பது ஒரு அடிதட்டு மக்களின் ஒரு நாளைய குடும்ப சாப்பாட்டு செலவு. படத்துக்கு நான் செய்த செலவு 1350... மூன்று பேருக்கு. இதுவும் அ.த.மக்களின் பாதிமாதச்செலவு. (ஷங்கர்தான் கருத்து சொல்லனுமா நாங்க சொல்லமாட்டோமா?)
Interval விட்டவுடன் என் பையன் ‘அப்டியே சுடனும்போல இருக்கு’ என்றான்... ஏன் என கேட்க ... Interval விட்டவங்களையான்.. அந்த அளவுக்கு interesting, informative, dialogues, speed.. in first half. தமிழுக்கு எல்லாம் புதுசு. ஒரு டிக்கெட் விலை 300.. அது first halfகே கொடுக்கலாம்... அப்புறம் அம்புடுதேன்...

இந்த படதிற்கு மீடியா கொடுத்த ஹைப் இருக்கே சொல்லிமாளல.. முக்கியமா NDTVHINDU, Sun Network, NDTV Profitல கூட ... என்ன கொடுமை சரவணா இது...

தலைவர பஞ்ச டயலாக் பேசவுட்டு... பல ஸ்டையல்கள காட்டியிருந்தா பின்னால் வரும் தோய்வை சரிகட்டியிருக்கலாம்... கமலா தியேட்டர் screen 2ல காத பஞ்சர் ஆக்கிட்டாங்க...

காலைல 5.30 மணிக்கு இரண்டு தியேட்டரில் டிக்கெட் இருந்தும் நான் தூங்கியது கண்டு என்னை நானே மெச்சிக்கொண்டேன்... கடைசியில் ஈவினிங் ஷோக்கு என்னிடம் வேலை பார்க்கும் தம்பி டிக்கெட்டை கையில் வந்து கொடுத்தான்... அடித்தது எந்திரனுக்கு யோகம்.

ஓம் சாந்தி ஓமில் வருவது போல கடைசியில் பங்குபெற்றவர்களை visual treatடாக கொடுத்துயிருக்கலாம்... மணிரத்தினம் படம்போல பெயர்களை போட்டு போரடித்தார்கள்.

தலைவருக்கு கழுத்திலிருந்து உடை அணிவித்துயிருக்கிறார்கள். காரணம் படம் பார்ப்பவர்களுக்கு புரியும். ’ஜஸ்’ லாலாக்கு டோல் டப்பிமா போலியிருக்கிறார்... இரண்டு வயதானவர்களை வைத்துக்கொண்டு ஒளிப்பதிவாளர் ரத்தினவேல் எவ்வளவு கஷ்டப்பட்டியிருப்பார் என்பது புரிகிறது.

சாபுசிரிலை International criminalகளின் transilator ஆக்கியிருக்கிறார்கள்... இரண்டு சீணுக்கு வந்து போனாலும் பாந்தம். கலாபவன்மணி வீணடிக்கப்பட்டுள்ளார். லிஸ்ட்டில்.. கருணாஸ் சந்தாணம் சேர்த்துக்கொள்ளலாம். படம் முழுக்க திகட்ட திகட்ட ரஜினி.

Second half bore, first half nonsense to the core.. superb..
வழக்கம்போல குடும்பத்தோட ரசிக்கலாம்.

மாப்பிள்ளை ஜோரில் பங்குசந்தை

2010-09-14T16:06:00.004+05:30

தீபாவளிக்கு இன்னும் ரெண்டு மாதம் இருக்கையில் இப்போதே தலதீபாவளி கொண்டாடும் புதுமாப்பிள்ளையாக பந்தா காட்டுகிறது நம் பங்குசந்தைகள். மே மாதம் பங்குசந்தை வீழ்ச்சி கண்டதும்; அவ்வளவுதான் இனி மீள எத்தனை மாதம் ஆகுமோ என்று வருந்தியவர்களுக்கு ஒரே பாடலில் பணக்காராணாகும் நம்மூர் ஹீரோ போல பங்குசந்தை ஒரு சில மாதங்களிலேயே ஏகத்துக்கும் வளர்ச்சியையும், வலிமையையும் பெற்றிருக்கிறது. சந்தையின் இந்த அபார வளர்ச்சி உள்நாட்டு வர்த்தகர்கள் லாபம் அடைந்தார்களா என்றால், ’இல்லை’ என்றே பதில் வரும்.

முதலீட்டாளர்களுக்கு சந்தை விழுந்தாலும் சரி, வளர்ந்தாலும் சரி முதலில் பலன் வந்து சேரும். ஆனால் வர்தகர்களோ சந்தை போக்கு எப்படியிருப்பினும் ஏற்ற-இறக்க அசைவின் அடிப்படையில் பலனை அனுபவிப்பார்கள். சந்தை மேலே சென்றாலும் தின வர்த்தகர்களுக்கு ஏற்ற சூழல் அமையவில்லை. இதில் பெரிதும் லாபம் அடைந்தது FII’s எனப்படும் பண்ணாட்டு அமைப்புசார் முதலீட்டாளர்களே.

அதிபுத்திசாலிகளே நோட் பண்ணுங்க

1. பொதுவாக ஒரு மாதத்துக்கு ஒரு முறையாவது பங்குசந்தை மேலிருந்து கீழ் சென்று திருத்தம் (correction) காணும் ஆனால் நான்கு மாதமாகியும் திருத்ததிற்கான சான்றுகூட இல்லை.

2. சந்தை மேலேறும்போது வியாபார தடங்களான calloption சரி put option சரி ஒரே அளவில் வர்த்தகம் ஆகாது இந்த முறை OPTION வியாபாரத்தில் இரு வாய்ப்பிலும் ஒரே அளவில் பணமும், பங்கும் வர்த்தகமாகிறது.

3. பங்குகள் பலவும் தங்கள் தடைநிலை அருகிலும் தாண்டியும் வர்த்தகமாகின்றன.

4. உள்நாட்டு பொருளாதார அடிப்படைகளைவிட அயல்நாட்டு பொருளாதார சூழலை தாங்கியே நம் பங்குசந்தை வளர்கிறது.

இது சந்தோஷமா? இல்லை சங்கடமா?

நம் பங்குசந்தைகளின் இந்த வளர்ச்சி மிகவும் மகிழ்ச்சிக்குறியதாய் இருந்தாலும் சந்தையில் தொடர்புள்ளவர்கள் இதை கொண்டாடலாமா அல்லது அமைதி காக்கலாமா? என்று குழப்புகிறார்கள். முன்பு சந்தை 5400 தொட்டதுக்கே சூப்பர் ஸ்டார் பட ரிலீஸ்போல் ஆட்டம் போட்டவர்கள் இப்போது 5800 என்ற இமயத்தை கடந்தும் ஆர்பாட்டமின்றி அடக்கி வாசிக்கிறார்கள். இதற்கு 2008-ஐ போல் நன்றாய் பறந்து புன்னாக்கும் தீபாவளி ராக்கெட்டாய் சந்தை ஆகுமோ என்ற அச்சத்தின் வெளிப்பாடே இந்த குழப்பம். இறங்குதோ இல்லையோ கொண்டாட கிடைக்கும் இத்தருணத்தை நழுவ விடாமல் கொண்டாடுவதே புத்திசாலித்தனம்.

எப்போது திருத்தம் (correction)

என்னதான் பாஸிடிவா பேசினாலும் நெகடீவா சந்தைய அனுகியவர்கள் இப்போது அவஸ்தை படுகிறார்கள். அவர்களுக்கு நாம் எப்படி ஆறுதல் கூறுவது :P

மாமியார் (அயல்நாட்டு முதலீடு) உபசரிப்பில் மாப்பிள்ளை (சந்தை) பந்தா காட்டினாலும் எத்தனை நாள் தான் உபசரிப்பார் அந்த மாமியார் கல்யாண பந்தியில் நேரம் நீண்டாலும் குறிப்பிட்ட நேரத்தில் பந்தி முடிக்கப்பட வேண்டும். அதுபோல சந்தையில் இந்த சக்கைபோடும் விரைவில் அடங்கும். சந்தையில் செய்தியின்மை, ஆவல், அயல்நாட்டு முதலீடு, அதிக பணப்புழக்கம் போன்றவையாகச் சந்தை ஏறியது விரைவில் இந்த சூழல் எதிர்வினையில் அமையப்போவதால் சந்தை நன்றாக கீழிறங்கும். தாங்கு நிலைப்பற்றிய முரண்பாடு நிலவினாலும் தேசிய பங்கு சந்தை குறுகிய காலத்தில் 5200-ஐ தாங்கு நிலையாகவும் 5950 தடைநிலையாகவும் கொண்டு வர்த்தகமாகும்.

கட்டுரை உதவி: சிவசங்கர்

பதிவுலகம் - இப்படிக்கு நான்

2010-09-12T17:46:00.005+05:30

சித்தப்ஸ் பா.ரா அழைத்த தொடர் பதிவு இது. ஒன்னரை மாதத்தில் இப்பொழுது கிடைத்த 10 நிமிடத்தில் நெய்த பதிவு.

1. வலைப் பதிவில் தோன்றும் உங்கள் பெயர்?

D.R.Ashok

2. அந்தப் பெயர்தான் உங்கள் உண்மையான பெயரா? இல்லை என்றால் பதிவில் தோன்றும் பெயரை வைக்க காரணம் என்ன?

அஷோக் தாங்க

3. நீங்கள் தமிழ் வலைப்பதிவு உலகில் காலடி எடுத்து வைத்தது பற்றி?

வேறென்ன... பெரிய தமிழ் வார பத்திரிக்கைகள் போரடிக்க ஆரம்பித்ததால், சுஜாதாவும் இல்லை, அப்புறம் சாரு எஸ்.ரா போரடிக்க ஆரம்பித்தனால்.. வலையுலகில் நல்ல கவிஞர்கள் இல்லாததால்... தேவலோகத்தில் போட்ட மீட்டீங்கில் முடிவெடுத்து.. எல்லோரும் சிவபெருமானிடம் முறையிட.. சிவனும் ஆனந்த தாண்டவம் ஆடி.. இனி மண்ணுலகத்தில் D.R.அஷோக் கவிதைகள் எழுதி ’கொட்டாவி விடும் வலையுலகை’ குத்தாட்டம் ஆட செய்வார் என ரட்சிக்க நானும் கோதாவில் குதிக்க...

4. உங்கள் வலைப் பதிவை பிரபலமடையச் செய்ய என்னவெல்லாம் செய்தீர்கள்?

மவுண்ட்ரொடில் கட்டவுட் வைத்தேன், Times of Indiaல விளம்பரம் கொடுத்தேன்....உண்மைய சொல்லனும்னா.. ஒன்னும் செய்யல..

5. வலைப் பதிவின் மூலம் உங்கள் சொந்த விஷயத்தை பகிர்ந்து கொண்டதுண்டா? ஆம் என்றால் ஏன்? அதன் விளைவு என்ன? இல்லை என்றால் ஏன்?

என் மனதின் உள் ஓசைகளையும்... கேட்டறிந்த ஓசைகளையும்.... ஒத்திசைவாகத்தான்.. என்னிசையை கோர்கிறேன்..

6. நீங்கள் பொழுது போக்கிற்காக பதிவுகளை எழுதுகிறீர்களா? அல்லது பதிவுகள் மூலம் சம்பாதிப்பதற்காகவா?

இரண்டும் அல்ல......வாழ்க்கை தந்த நெடிய கசப்புகளில் மூழ்கிபோகாமலிருக்க

7. நீங்கள் எத்தனை வலைப் பதிவிற்கு சொந்தக்காரர்? அதில் எத்தனை தமிழ் வலைப் பதிவு?

ஒன்னே ஒன்னு...

8. மற்ற பதிவர்கள் மேல் கோபம், அல்லது பொறாமை ஏற்பட்டது உண்டா? ஆமாம் என்றால் யார் அந்த பதிவர்? ஏன்?

கோபம்- ஏற்பட்டது உண்டு. கோபம்தானே, இப்போ போயிடுச்சு!

பொறாமை – அப்படின்னா..?

9. உங்கள் பதிவை பற்றி முதன் முதலில் உங்களை பாராட்டிய மனிதர் யார்? அவரைப் பற்றி, அந்த பாராட்டை பற்றி?

’சக்கரை’ சுரேஷ், இளைஞர், இப்பொழுது எழுதுவதில்லை. கேட்டால் போரடித்துவிட்டது என்று கூறினாராம்.

10. கடைசியாக- விருப்பம் இருந்தால் உங்களைப் பற்றி பதிவுலகத்துக்கு தெரிய வேண்டியது அனைத்தையும் பற்றி கூறுங்கள்

என்னை பற்றி:
ஓவியன், நீண்ட பயணங்கள் தேசிய நெடுஞ்சாலையில், ட்ரெடிங் கம்பெனியில் ஹெட்ஜிங் அனலிஸ்டாக(Hedging Analyst) இருக்கிறேன்.

அழைக்க விரும்புவர்கள்:

1. யாத்ரா
2. மண்குதிரை
3. தேணம்மை
4. ஹேமா
5. பத்மா
இந்த லிஸ்டல ஏற்கனவே எழுதியிருந்த உட்ருங்க.. லிஸ்ட்ல விடுபட்ட நண்பர்கள் எல்லாம் எழுதுங்க... நேரம் கிடைக்க சொல்லோ..

உதை

2010-07-14T18:12:00.003+05:30

அன்பே எப்படி இருக்கிறாயடி.. பணிக்கு கிளம்பவில்லையா...

கிளம்பிட்டேயிருக்கேன் அதான் பேச வரலை..அப்பாக்கு எப்டியிருக்கு?

மிகவும் நன்றாக உள்ளாரடி... இன்னும் சில காலம் இருப்பார் என்பது மகிழ்ச்சியே மனதுக்கு...

செம்மொழி மாநாடு வந்த அப்புறம் ஒரு மாதிரிதான் இருக்கீங்க

நீ கூறிய இரு பாடல்களின் வரிகளே காரணம்

ஒ.. ஒ.. ஆளபாரு

அப்பறம் உனை பிரிந்துருகும் பசலையும் ஒரு காரணி

உதைவிழும் ஒழுங்கா வேலையை பாருங்க.. எப்பவும் lol

நீ ’உதை’ என்பதும் சந்துருஷ்டியே தருகிறது.. காதல் ஒரு மாயப்பேயே

காதல் கத்திரிக்கா..!

இல்ல தக்காளி..

எதுக்கு சாம்பார் பண்ணவா..?

இல்ல கடிச்சு சாப்பிடத்தான்.. பெங்களூர் தக்காளியடி உன் கண்ணம்.. உயிரே உயிரே...

பாட்டு நல்லாயிருக்கா...?

நீ எந்த பாடலை குறிப்பிட்டாலும் அது நல்லாதான்யிருக்கும்.. ஏன்னா இதுல நம்ம டேஸ்ட் ஒத்து போகுது...(வேற ஒரு விஷயத்தில் மட்டும்)

ம்ம்... ஆனா என்னை திட்டினிங்க...

பொண்டாட்டிய புருஷன் திட்டாமா வேற எந்த நாய் திட்டும்

உங்கள திருத்த முடியாது... சாப்பிட்டிங்களா?

மொத மொத உன்னை சந்திக்கும் போது நல்ல காதல் பாட்டுதான் ஓடிச்சு.. அப்போ சத்தியமா நான் நினைக்கல.. எனக்கு பிடிச்சமானவள சந்திக்கறன்னு

ஐய்யோ ஐய்யோ தாங்கல

ஏன் திருந்தனும்.. உன்னை நினைச்சு இருக்கறதே சந்தோஷம்தான்.. சாப்பிட்டேன்.... நீ

இல்ல office போயிட்டு அப்புறம்

ஒ... I love u di

அப்படியே எப்பவும் அன்பா இருந்தா சந்தோஷம்

Thank you darling… ஏன் சில சமயம் நான் அன்பா இல்லையா?

ஆன்லைன்ல் இருக்கும்போது பேசமாட்றீங்க...

ஆபிஸ்ல ஜிமெயில் ஒபன் பண்ணிவெச்சிட்டு வேலையே பார்க்கவேண்டியதுதான்... நிறைய பொறுப்புகள் இரு வேலை பல நிலை... பேயிங் வெல் so working hard

ம்ம்ம் அப்படின்னா சரிதான்.. வேலைதான் முக்கியம்

கவித மனசே காணாமல் போயிடுச்சு... அப்ப அப்ப உன் ஞாபகம்தான் அத மீட்டெடுக்குது

ஒழுங்கா சாப்பிடுங்க சந்தோஷமா இருங்க...

சரி நான் போறேன்(போயிட்டு வர்றேன்)

ஓகே டார்லிங் டேக் கேர்..

பதிவு போடுங்க... நினைக்கறதே எழுதுங்க..

அதுக்கு நீ முத்தம் கொடுக்கனும்

(அதுக்கு அவள் சொன்ன பதில்தான் தலைப்பூ)

நன்றி

2010-06-21T21:55:00.003+05:30

பதிவுலகத்திலிருந்து மெல்ல மெல்ல நழுவிக்கொண்டிருக்கும் போது ஒரு அங்கிகாரம். ஒரு தட்டி கொடுத்தல். பெரிய ஆளுமைகளின் நடுவே என் பெயரும் அதுவும் சிறந்த நடுவர்களின் தீர்ப்பு. கொஞ்சம் ஆடித்தான் போனேன்.. ’உறுபசி’ ஒரு சில வினாடிகளில் வந்து போனதுதான்.. அதன் கடைசி நாலு வரிகள் மட்டும் நின்று யோசித்தது. கவிதை என்பது உணர்வுகளின் கொதிநிலை என்று பெருந்தேவி சொல்வார். எனக்கு ’அந்த நேரத்து கொதிநிலை’ அவ்வளவே.

மகிழ்ச்சியாக உள்ளது. ஜ்யோவ்(சிவ)ராம் சுந்தர் - இருவருக்கும் எனது நன்றி மட்டும் அன்புகள். போனில் முதலில் பாராட்டிய மும்பை புகழ் பிரபல கவிஞர் பாட்ஷா அனுஜன்யா(அப்புறம்தான் எனக்கு விஷயமே தெரிஞ்சது),கவிஞர் யாத்ரா, கவிஞர் முத்துவேல், சித்தப்ஸ், ஹேமா, பத்மா, ரிஷான் ஷெரிப், கமலேஷ், உழவன், ஜெனோவா மற்றும் பலர்.. மடலிலும் தொலைபேசியிலும் வாழ்த்தும் நண்பர்களுக்கும்.. தோழிகளுக்கும் வாழ்த்தபோவோர்களுக்கும் நன்றி...

எனது அங்கிகாரத்தை... கவிதை போட்டியில் கலந்துக்கொண்ட அனைத்து கவிஞர்களுடன் பகிர்ந்துக்கொள்கிறேன்... மிகுந்த அன்புடன் உங்கள் D.R.அஷோக்

சின்ன சின்ன வார்த்தைகள்

2010-06-06T17:55:00.004+05:30

அவரை தெரியுமென்றான்
இவரை தெரியுமென்றான்
உன்னை உனக்கு தெரியுமா?
என கேட்க நினைத்து மௌனமாய்
பார்த்துக்கொண்டிருந்தேன் என்னை!

சில சமயங்களில் அவள் கன்னங்களை
தாண்டி சிந்திக்க இயலவில்லை
பல சமயங்களில் அவள் கரங்களை
விடுத்து தெளிவேதுமில்லை

தவறவிட்ட விஷயங்கள்
கனவில் துறத்தும்
வார்த்தைகளை கழட்டிபோட
நெஞ்சுபாரம் குறையும்

கடந்துக்கொண்டிருக்கும்போதே
கடந்துவிட்ட உணர்வு
கடக்கையில் நானற்ற உணர்வு

நிறைய படித்து தள்ளுகிறேன்
கவலையே இல்லை
ஏனெனில்?
எனக்கு ஞாபக மறதி ஜாஸ்தி

அகவலோசை கவிதைகள்

2010-05-15T16:48:00.003+05:30

ஞானம்
யோசித்து பார்க்கையில்
எளிதில் கைகூடுவதாகவும்
எளிதில் கைகூடாததாகவும்
ஒரே நேரத்தில் தோன்றுவது

ஏன் இப்படி வீணாய்
சுற்றி வருகிறது
கடிகாரத்தில் முள்

மனதில் எழுதி பாதுகாக்காமல்
விட்ட கவிதையொன்று
அழுதுக்கொண்டே
பின் தொடர்ந்தது
குழந்தையைபோல

பள்ளியும் கல்லூரியும்
கற்றுக்கொடுத்தது
கற்றுக்கொள்ளல் வகுப்பறைகளில்
இல்லையென்பதை!

வாழ்வின் அரசியலை
எளிதாய் கடக்க
உதவுகிறது
ஞானம்

என் இனிய பொன் நிலாவே

2010-04-29T21:44:00.002+05:30

நீ பேசி முடித்தபின்னும்
நெடுநேரம் பேசிக்கொண்டிருந்தேன் உன்னிடம்
இரவுகளின் வெளிச்சத்தில் மூழ்கி புரண்டு கொண்டிருந்தேன்
அடித்த மூன்று லார்ஜ்களும் பேச தொடங்கும்
முன்பே காணாமல் போயிருந்தன
எப்போது தூங்கினேனென்று தெரியவில்லை
கனவு வராத ஆழ்ந்த தூக்கம் - சொற்பமான பொழுதில்
சட்டென விடிந்தது - ஒருவேளை கருவானம்
வீழ்கையில் தூங்க ஆரம்பித்தேனோ..?

இனி வேலை வேலை என அலுவல்கள்
உன் நினைவுகளை விழுங்கி செல்லும்
மறுபடியும் இரவு வருகையில் உன் நினைவு வரும்
நீங்காத இதம்தரும் பொழுதுகள்

இயங்க வைப்பதும் இயக்கிவைப்பதும் காதல்தான்
புதிதாய் மனம் மலர
புத்துணர்வாய் உடல் மலர
காதல்
அல்லது
தவம்
தேவைதானோ என் அன்பே?

எல்லாம் கொடுத்த உனக்கான
பூச்செண்டு!

இதய கூட்டுக்குள்ளிருந்து கலைத்து போட்ட வார்த்தைகள்

2010-04-25T16:43:00.003+05:30

இதய கூட்டுக்குள்ளிருந்து கலைத்து போட்ட வார்த்தைகள்
இயந்திரத்தனமாய் வாழ்க்கை மாறுகையில்
கவிதை மறைகிறது வேறுமனம் வெறுமையாய்
சில்லரைகளின் முன் அய்யராவது ஆச்சாரியாவது
அபஸ்வரங்கள் மட்டுமல்ல கவிமனமும் காணாமல்தான் போகிறது
அதை உடைத்து வந்து உட்கார்ந்தாலும் வாழவின்
ஆதாரதேவைகள் அடித்து ஓடவைக்கிறது
இறைவா! அடுத்த ஜென்மத்திலாவது ஆரம்பத்திலேயே
எல்லாவற்றையும் கொடுத்துவிடு
சொகுசாய் உட்கார்ந்துக்கொண்டு
ஏழைகளை பற்றியும் ஏகாதிபத்தியத்தையும்
Atleast மாடியில் வடாம் போட்டதையும்
சியல்லோ காரை விற்றுவிட்டதையும்
பற்றியாவது எழுதி தொலைக்கிறேன்

காதலியும் மனைவியும்
பொய் சொன்னேன் நம்பினாள்
ஒருநாள் உண்மையை சொன்னேன்..
’ஏய்! நீ பொய் சொல்ற’ என்றாள் காதலி

செத்து தொலைக்கிறேன் என்றேன்
’மொதல்ல இன்சுரன்ஸ் போடு’ என்றாள் மனைவி

காதலியையும் மனைவியையும் சமாளிக்க
இருவரையும் அன்பே என்றே அழையுங்கள்
அப்போதுதான் பெயர்மாற்றி
உளறி மாட்டிக்கொள்ளமாட்டீர்.

ரிலாக்ஸ் ப்ளிஸ்
இராகவேந்திரர் ஷிரிடி ரமணர்
இப்ப ஜக்கி - யாரை வேண்டினால்?
துரத்தி வரும் இந்த தெரு நாயிடமிருந்து தப்பிப்பது!

தெளிவு என்பது
குழப்பங்களின் முடிவா?
குழப்பங்களின் தொடக்கமா?

பார்ப்பனியமும் – சென்னை பதிவர் குழுமமும்

2010-03-29T08:39:00.007+05:30

யார் அழைத்தென்றே தெரியாமலே மற்றுமொரு பதிவர் சந்திப்பு மாதிரி குழுமினோம். பெயர் பட்டியலில் இருந்த லக்கியும் நான் பொறுப்பள்ள என சொல்ல இதனை ஆரம்பித்து வைத்தது யாரோ வாசுதேவாயா தண்டோராய கேபிளாய நமஹ.

வழக்கம்போல் பேப்பரும் பேனாவாக குறிப்பெடுத்துக்கொண்டிருந்தார் போட்டோவில் மிடுக்காகவும் நேரில் தளர்வாகவும் இருந்த மற்றொமொர் பார்ப்பனர். School புத்தி. எனது பையனை UKG படிக்கும் schoolலின் வளாகத்தில் கையில் பேப்பரும் புத்தகங்களுமாய் கடைசி நேரத்திலும் குழந்தைகளுக்கு(Prekg) வகுப்பெடுக்கும் பார்ப்பனியமுகங்கள் நினைவில் வராமலில்லை.

கடைசிவரை வடை கிடைக்கவில்லை, டீயும் இரண்டு மாரி பிஸ்கட்டும் கிடைத்தது. சரக்கு வழியில்லாமல் சென்றதால் யாரும் சரக்கு வாங்கிதரவில்லை. அப்புறம் ஆபிஸ் வந்து ஏஸியை போட்டுட்டு ஆர்.ஸியை திறந்தேன். சொல்ல மறந்துட்டேன் சிவராம் பேசும் போது முதலில் கையைதட்டி பின்னூட்டமிட்டேன்.

உரையாடல் அமைப்பு தன் சொந்த காசு போட்டு செலவு செய்யக்கூடாது என்று ஆர்வமிகுதியில் பேசினார், டீ.வி.ஆர். வாய்விட்டு சிரிக்கலாம் வாங்க.அதற்கு பைத்தியக்காரன் எழுந்து நாங்கள் தற்கொலை தான் செய்துக்கொள்வோம். இப்படிதான் இருப்போம் இதுதான் எங்களுக்கு பிடித்து இருக்கிறது. யாரிடமும் சென்று யாசகம் கேட்கமாட்டோம் என்று சொன்னது அவரது சார்ப்னஸயும் அல்ர்ட்னஸையும் பறைசாற்றியது.

என்னுடைய கேள்வி.. எல்லா front seatயையும் சிலர்களே முந்திக்கொள்வது ஏன்? அவர்களே தங்களை முன்னின்று ப்ரதானமாய் அனைத்திலும் முன்னிருத்திக்கொள்வது ஏன்? Reverse psychology உள்ளுக்குள் வீக்கா feel பண்ணறதாலயிருக்குமோ?

ஒரு புத்தகத்தில் ‘சாரு’ சொல்லுவார். ”அது என்ன விசுவ் இந்து பரிசத், பஞ்ரங் தள், பி.ஜே.பியை விடுங்கள் மத்த எல்லா கட்சிகளிலும் இவர்களே முக்கியமான பதவிகளில் ஆக்கரமித்து கொள்வது எப்படி?’ என.

எல்லோரும் பேசுகையில் அமைதி காத்த கூட்டம் சுகுணாதிவாகர் பேசும்போது மட்டும் சலசலவென சத்தம் அதிகமான போது, சடாரென எழுந்த நர்சிம், ’பேசுராங்கயில்ல அமைதியாயிருங்க’ என சத்தமிட்டுபின் அமைதியானது கூட்டம்.இது ஒன்றே போதும் அவர் தலைவராக, பல்வேறு சாதனைகள் அவர்பின் இருப்பினும்.

அப்புறம் வேறு யாருக்கொல்லாம் பதவிகள் கொடுக்கலாம். லக்கி(உபதலைவர்), கேபிள் சங்கர்(கொ.ப.செ), வானம்பாடிகள்(அமைப்பாளர்). உறையாடல் அமைப்பு ஒரு உள்துறையாக(கட்டற்ற சுத்ந்திரத்துடன்) செயல்படலாம். வால்பையன் போன்றோர் பகுத்தறிவு பட்டறை நடத்தலாம். என்னை போன்றோர் கவிதை எழுதி மற்றோர் உயிரை வாங்கலாம்.

(தமிழ் ஏன் தாழ்ந்து கிடக்கிறது என்று? தமிழ்நாட்டின் பிராமண புத்திஜீவி வர்க்கம்தான் இதற்கு முழுமையான பொறுப்பை ஏற்க வேண்டும். அவர்களுக்குத்தான் இங்கே ஆங்கிலம் கற்பிக்கப்பட்டிருக்கிறது. அவர்கள்தான் ஆங்கிலத்தில் சரளமாக எழுதக் கூடியவர்களாகவும், பேசக் கூடியவர்களாகவும் இருக்கிறார்கள். ஆனால் அவர்களுக்குத் தெரிந்த கலை இலக்கியம் என்ன? எஸ்.வி. சேகர், க்ரேஸி மோகன் நாடகம், ஜனரஞ்சகப் பத்திரிகைகள்… அவ்வளவுதான். - சாரு, நன்றி www.charuonline.com)

ஹிருதயம் கிழிய இதுவரை ஏற்றி வைத்த கசடுகளோடு ஒரு கலா பயணம்

2010-03-11T23:16:00.002+05:30

உனக்கு தெரிந்தது தமிழ் வார்த்தைகள்
எனக்கு தெரிந்தது உள் வார்த்தைகள்..
அதற்கு மொழி கிடையாது
மொழியற்ற மொழி அது
மொழி பெயர்த்தால் தோற்க்கும் மொழி
சிறந்த மொழி உன்னது என்று முன்மொழியாதே
மொழிகள் தோற்க்கும் பல விடயங்களில்
மொழிகளுற்று வாழ பழகிடு

உள்ளுக்குள் வெடித்து விழுந்த வானம்
பிரபஞ்ச முடிவு தேடி பறக்கும் அவன்
விடைதெரியா இறைதேடல்
சுழற்றி வீசும் வார்த்தைகளில் மனமாட
உடை இடை வளைந்து குழைந்தாட

எண்ணத் தொடக்கத்தில் மறைந்து வாழும் இறை
எண்ணச் சிதறல்கள் பெறுக்கி எடுக்கும் நானை

வீரியமிழக்குது ஒரே இடத்தில் உட்கார்ந்த உடல்
ஞானம் பிறக்குது சிலருக்கு பைல்ஸ் வருகுது
உயிர்கொடுக்குது ஒரே இடத்தில் உட்கார்ந்த கோழி
வாழ்க்கை விந்தை கொடுத்து சிந்தை வளர்க்கிறது
பூமி பந்தை உதைத்து சூரியனிலிருந்து தள்ளியிருப்போம்
Itz செம்ம hot machi

விளங்காத வாழ்க்கை
மனமென்னும் புதிர்
ஒருநிலையில் வாழாத எண்ணம்
இருட்டில் கண்திறக்கும் பெருங்காமம்
கொட்டும் சர்பமென மாட்டும் வாழ்வு
பொழுதுபுலரும்படியே மாறும் மனம்

மனம் - துரத்தும் நாய்
நாயாய் துரத்தும் - மனம்
கனம் தோறும் - வேடிக்கை
குறையும் - மனம்
வனம் தேவையற்று

பெண் துறத்தும் மனம்
வாசனை சலிக்கா இரவுகள்

வியர்வையில் குளிக்கும் பின்னிரவுகள்
விடியல் தியானத்தில் முதுகில் இறங்கும் கோடுகள்
இரண்டும் ஒன்றா?

ஆகுநீர் அணைநீர்
செவுட்டில் அடிக்கும் இனி உன் கிண்டல்கள்

பட்டுன்னு ஒரு கவிதை

2010-02-25T10:13:00.003+05:30

’எனக்கு சாமுத்ரிகா பட்டு’
என்று ஆரம்பிக்கும் தொலைக்காட்சி
விளம்பரம் பார்க்கமுடிந்தது
அழகியல் கொண்டாட்டமே

எம் ஊரின் பெண்கள் கச்சை கிழிசல்களை
சீலையில் நாசுக்காய் மறைப்பதும்
சேலையின் ஓட்டைகளில் குழந்தைகளுக்கு
மலர்ச்சியா நிலா காட்டுவதும் இயல்பே

’காஞ்சிவரம்’ படத்தில் ஒரு தந்தையின்
வாக்குறுதி குறுக்கே வந்துபோனது
’உன் கல்யாணத்துக்கு பட்டு சீர் செய்வேன்’
அப்பெண் பெற்றதோ வாய்க்கரிசி

பால்யத்தில் தறி சத்தம் கேட்டு நடந்திருக்கிறேன்
திடீரென காணாமல் போயின ஓர்நாள்
எங்கு தேடுவேன் அந்த அம்சத்வனி ராகத்தை

ஊரை....ஊரென்று சொல்லுவதில்லை
வேறொன்றே....சொல்கின்றனர்!
உறக்கச் சொல்லுடா மானிடவா
மண்ணில் கீழோர் மேலோர் இல்லை!

So மண்ணில் கீழோர் மேலோர் இல்லை
ஒன்றிருந்தால் ஒன்று.. இல்லை

திருத்தொண்டர் புராணம்

2010-02-18T11:17:00.006+05:30

முன்னரவில் தோழியோடு காதலை சொல்லி உருகி

இரவு சுகிர வேறுஒருவளோடு இணைந்துகிடந்து

விடியல் முதல் இறைவனோடு இரவு வரை

முதுகுதண்டு அதுர பூரணத்துவம் பெற்று

காலை நித்தியதியானம் செய்து தெம்பாய் உணர்ந்து
சில மணிநேரத்தில் பெண்களின் பிட்டம் பார்த்து நடந்து

நண்பனுக்கு அட்வைஸ் தந்து அவன் ஞானியென சொல்ல

முழுக்க வியாபாரத்தை பார்த்துக்கொண்டும்

குழந்தையோடு ஐஸ்கீரிம்முக்கு நேரம் ஒதுக்கி

ஒரு ரூபாய் பூமரை தாய் தின்றதால் கதறிகொண்டு
வந்த குழந்தையை வெறிக்கொண்டு சாத்தி

இங்கதான் கவிதையும் பிறந்தது

அவளை அசிங்கமாக திட்டி வந்தபின்னர்
அடித்த அடி வலித்தென்று போனில் சொல்லி
பிள்ளையை பார் என எனக்கான போத்தலை வாங்கியபடி

எனக்கான துணை சரியில்லை வசதியில்லை படிப்பில்லை
படிப்பும் பணமும் இருந்தால் எனை மதிப்பாளா
என சமாதானம் செய்துகொண்டு

இப்ப மட்டும் என்ன வாழுது என்று நினைத்துக்கொண்டே
முதல் ரவுண்டு முடித்தவுடன்
மெய்ஞானம் பெற்று
எல்லாவற்றிலும் இருந்து வெளியேவந்தேன்

கண்டு கலந்து கற்க வா – காதல் - II

2010-02-17T12:29:00.003+05:30

இரவின் நெடிய உறவுகளில்
உன் ஹிருதயம் மறைபொருளாய்
மறுநாள் தணியும் சுகம்
கனவில் நீகாண் உள்ளம் எனதாய்

உனது கனவில் வரும் நான்
உனைத்தானே பார்க்கிறேன்
என் கனவில் நீ வருவதை போல்
அதில் உன்னைதான் பார்க்கிறேன்

அப்படியென்றால் நிஜக்கனவு
கனவில்லை நிஜம்
கனவில் நிஜம்

தனித்தனி தீவுகளாயினும்
ஒரே பூமியில் தானே
எண்ண ஓட்டத்திற்கு
நெருக்கம் உண்டு

அரேபியதேசத்தில் மகனுக்கு
காய்ச்சல் என்றால்
கன்னியாகுமரியில் தாய்க்கும்
தகிக்கும் மனது

அது போலதான் நாம்
அது அன்பு – இது காதல்

இனி இரக்கம் என்பது
நமது வேட்டையில் இல்லை
இது காதல் கிறுக்கு
நீ என் காதல் சிறுக்கி

கண்டு கலந்து கற்க வா – காதல்

2010-02-13T22:40:00.005+05:30

கரம் தேட வரம் வேண்டும் அவள் மொத்தமும்

இனி நிற்காது தொடரும் முத்த சத்தம்

பின்னி பிணைந்த ஆன்மாக்கள் ஒன்றாக வேண்டும்

இனி செத்தாலும் பிழைத்தாலும் உன் மடிவேண்டும்

அவளை நினைக்கும் போதே இனிக்கிறது

அவளருகில் இருக்கையில் மரிக்கிறது காலம்

கண்டு கலந்து கற்க வா – காதல்

அவளைக் கண்டு கலந்து அனுஅனுவாய் கற்க ஆசை

விழையும் மனம்

சுண்டும் அவள் கவிதை

சீண்டும் என் மனதை

ருத்திரமாகயிருந்த மனம்

பொங்கும் ரௌத்திரமாய்

சிந்தை முழுக்க வளம் வருகிறாய்

எனை வெற்றிக் கொண்டவளாக

நாமும் சிதைந்து எரிவோம் ஆழி தீயென

உள்ளக்குமுறள்கள் பிரிவின் வேதனைகளை சுட்டு எரிக்கிறேன்

இனி வலம் வருவோம்

உலகை, உள்மத்தங்களை

தனித்து தவம் செய்துக்கொண்டிருந்தவன் நான்

தாகம் தனிக்க வந்த பேரானந்தம் நீ

சுகந்து வந்த தேவதை நீ

கொடுத்துவிடு உன் இதயம்

அல்லது கொய்துவிடு என் தலையை

மரண புத்துகளில் நெளியும் கருநாகம்போல

அசைகிறது உன் தனிமை என்னிடம்

நீ உணரக்காண்பாயோ

உன் சூல் கொண்ட மார்பும்

வேல் போன்ற கூரிய விழிகளும்

வார்த்தை பிசாசுகள்

கண்மண் தெரியாமல்

பாலைவன புயலைப்போல்

அடித்து நொறுக்கிறது எனை

(தொடரும்)

அற்ற

2010-02-12T17:42:00.002+05:30

வார்த்தைகள் மறுகும்போது
எழுத தொடங்கி !
வார்த்தைகள் தீர்ந்தபின்
வேலையை பார்க்க!

இடைப்பட்ட நேரத்தில்
துலாவியபொழுது
ஊற ஆரம்பித்த
வார்த்தைகள் அத்தனையும்,
எனதல்ல - என
புரிந்த நொடியில்
மறைய தொடங்கின,
ஏற்கனவே சொல்லியும்விட்ட,
வார்த்தைகள்!

வம்சி புத்தகங்கள் வெளியீடு இடமாற்றம்

2010-01-29T21:23:00.003+05:30

வம்சி புத்தகங்கள் வெளியீடு இடமாற்றம்

புத்தக வெளியீடு பலபேரை சென்றடையவேண்டும் அவ்வளவே. நண்பர்கள் உடனே எல்லோருக்கும் தெரிவிக்கவும். நன்றி

வெறுமையும் நானும் - பரவசம்

2010-01-20T22:35:00.002+05:30

வெறுமை தரும் சூழல்
தாண்டிச் செல்கையில் சூழ்வெறுமை
கூட்டம் தேடி.. கூட்டம் அடைந்தும்
ஓம்காரம் தாண்டியும் குழந்தைவழிசெல்ல
துள்ளி விளையாடிய மழலை அமைதியாய்
கடலின் நுரைக்கும் அலைகளின் முன் தொட்டு
அவனுக்கென கைகோர்த்து திரும்பி பார்க்கையில்
எனக்கு பிடித்தவர் வெள்ளை தொப்பியுடன்
எழுந்து கொள்ள இரு பிரிவாய் நின்று சிறு நேரம்
பேசிக்கொண்டிருந்து கண்பார்வையில் மேலேறி சென்றனர்
திரும்ப வந்து துப்பாக்கியில் 4 பலூனை சுட்டு தீர்க்கையில்
திரும்பி வந்த ஷங்கரிடம் பேசிவிட்டு மிஸ்ட்டு கால் கேபிளுக்கு
டீக்கடை பார்த்துவிட்டு குழந்தையோடு வீடு திருப்புகையில்
வெங்கடேஷவரா போளி ஸ்டாலில் பருப்புபோளி
வாங்கும் பொழுது நியாபகத்தில் வந்து போனது
தண்டோராவின் இன்றைய பதிவு
வீடு வந்து ஆபிஸ் வந்து ப்ளாகை திறக்கையில்
வால் பையனின் ‘பொது புத்தி’ இப்படியாக
தொடர்கிறது வாழ்வு என்னும் மர்மப்புள்ளி
எனக்கு மட்டும் வெறுமையாய்
வெறுமைதரும் கனமற்று

அலை சித்திரங்கள்

2010-01-16T15:28:00.007+05:30

நுரைத்துவரும் அலைகள்
ஓயாமல் ஏதோ சொல்லிவிட்டுதான்
போகிறது வழக்கம்போல்,
புரியாமல் மௌனமாய்
பார்த்துவிட்டு கடந்துபோகிறேன்
ஒவ்வொரு முறையும்

வாழ்க்கை சித்தரத்தில்
எத்தனை மாயக்கோடுகள்

தொடக்ககோடும் முழுமைபெற்ற
கடைசிகோடும் மறந்துப்போய்
மௌனமாய் சிரிக்கும் ஓவியம்

Scene 153 short no:82 Take 2

நுரைத்துவரும் அலைகள்
ஓயாமல் கறைத்துவிட்டுதான் போகிறது
என்னுள் இருக்கும் அகங்காரத்தை
மௌனமாய் ஏற்று கடந்துபோகிறேன்

நான் இங்கே அவள் அங்கே

2010-01-13T20:49:00.005+05:30

அவள் மடியின்
இதம் இல்லையெனில்
பிடி மரணம் என
காலன் சொல்லியிருப்பான்
அவளைத்தேடி துவங்குகையில்
வெண்பனியில் உறைந்திருக்கும்
அன்பின் நதியை சென்றடைந்தேன்
அவள் உடன் சென்றுவிட
மனம் துடித்தாலும்
தடுத்துக்கொண்டே இருக்கின்றன
உடன் சுற்றங்கள்

தனிமைபோர்வையில்
வழிந்துக்கொண்டிருக்கும்
எங்கள் உடல்கொண்ட மனங்களுக்கு
வார்த்தைகளே போதுமாய் இருக்கின்றன
மனச்சுமைகளை அடித்து நொறுக்க
செல்லமாய் சிணுங்கிக்கொள்ள
அன்புகொள்ள கட்டியிருக்கிக்கொள்ள
நினைவுக்கனவுகளில்

கேபிளை மூக்கில் குத்தவேண்டும், புத்தக கண்காட்சி மற்றும் நித்தியானந்தர்

2010-01-11T13:06:00.017+05:30

(D.R.Ashok,பலாபட்டறை ஷங்கர்,வண்ணத்துபூச்சியார்சூர்யா(மெய்ஞானமூடில்), மீன்துள்ளியான், ஜாக்கிசேகர்,அப்துல்லா,காவேரி கணேஷ்,புலவர் புலி, சங்கர், தண்டோரா,மயில்ராவணன், எறும்பு ராஜகோபால்(அடுத்தபடத்தில் ஜாக்கியின் இடத்தை பிடிப்பவர்.. யூத்து..என் டர்ர்ர்ரு கவிஞர்..கேபிள் சங்கர்)
மேலும் பதிவர்களின் போட்டோ லிங்க, கேபிள் சங்கர், ஜாக்கி சேகர்.

9-1-10 வழக்கம் போல் லேட்டாக 7.55pmக்கு டிக்கெட் counter இடத்திற்கு சென்றேன். 5 ரூபாய் இல்லாத காரணத்தால் counter இடத்திலே நின்றுயிருந்தேன். பிறகு ஒருவர் பத்துரூபாய் நீட்டி ஒரு டிக்கெட் கேட்க சில்லறையில்லையென்றனர். அவர் இரண்டு டிக்கெட் எடுக்க ஒன்று இலவசமாக என்னிடம் கொடுத்தார் அந்த முகம் தெரியா அன்பருக்கு நன்றி. வாழ்க்கையில் இலவசமாக கிடைத்த முதல் பொருள். 8.10க்கு எல்லோரும் வெளியேறிக்கொண்டுயிருக்கும் போது ஞான் உள்நுழைய வழக்கம் போல் ஜொள்ளிலிட்டுக்கொண்டேதான். தண்டோரா.. கிழக்குன்னா எல்லோருக்கும் தெரியும்ன்னார். ஆனா நான் கேட்ட சில பல பேர்களுக்கு தெரியவில்லை.. அப்புறம் இரு மூரு போன்களுக்கு முறையே 420 அப்புறம் 402 என்று வழிகாட்ட நண்பர்களை சென்றடைந்தேன். வழக்கம்போல சற்று கல்லாய்த்துக்கொண்டு வெளியே வந்தோம். லக்கியும் அதிஷாவும் கலந்துக்கொள்ளாமல் ப்ரவுஷரில் மூழ்கியிருந்தார்கள் நிமிர்ந்துகூட பார்க்காமல்.(காரணம் பதிவு டைப் செய்து கொண்டிருக்கும்போதுதான் தெரிந்ததுக்கொண்டேன்). கேபிள் ’அந்த ஆளு’ என்று என் இஷ்ட எழுத்தாளரை பற்றி கூறினார். அடுத்தமுறை குவார்ட்டர் வாங்கிகொடுத்து மூக்கில் குத்தவேண்டும் என்று மனதில் குறித்துக்கொண்டேன். அவர் கையிலிருந்ததோ காலம் தப்பிய ஒரு இயந்திர புத்தகம். அவரது மார்டனஸ்ட் மற்றும் வெஸ்ட்ர்னிஸ்ட்டு ஒழுத்தாளரின் புத்தகம் அட ராமா. தண்டோராவின் கையிலிருந்த மூன்று நகுலன் புத்தகத்திற்கு குறி வைத்தேன். ரொம்ப உஷாரவே இருந்து தொலைத்தார். இனி படித்து தொலைவார்.
நண்பர்களை குடிக்க அழைத்தேன். யாரும் வரவில்லை என்பது ஆச்சரியம். (என்ன இலக்கியவாதி இவங்க) கடைசியில் ஆட்டோ ஓட்டுனரோடு சரக்கடித்து அன்றைய நாளை முடித்துவைத்தேன். ஆட்டோ 300 சரக்கு 167 = Rs.467.(மொத்தசெலவு)

வீட்டுக்கு வந்த பிறகு இன்னும் படிக்காமல் அடுக்கி வைத்துயிருக்கும் புத்தகங்கள் எனை பார்த்து சிரித்துக்கொண்டிருந்தது சித்தப்பு புக் ரிலிஸ் போது வாங்கிய கூடுதல் நாலு புத்தகங்களும் சேர்த்து. சித்தப்பு உங்க புத்தகம் படிச்சிட்டேன்.

மறுநாள்(10.01.09) மாலை நான்கு மணிக்கு நேரம்(மிகவும் அரிதாக 20 வருடங்களுக்கு ஒருமுறை) கிடைத்தது நேராக போன இடம் நித்தியானந்தரின் நிகழ்வுக்கு. ஓஷோ, ஜேகே, மஹாபெரியவர், விசிறி சாமியார் என்று சந்திக்க நினைத்தவர்களை ஒருவரைகூட பார்ததில்லை. இவரை பார்த்தது சந்தோஷமே. நித்தியானந்தரின் பேச்சு நன்றாகயிருந்தது. நடுநடுவே ஜோக் அடிச்சார்.(ஓஷோவின் நியாபகம் வராமல் இல்லை) ஏதோ ஒரு நல்ல உணர்வு இருந்தது. வரும்போது குடிக்க தோன்றவில்லை(அது முன் தீர்மானித்ததுதான்).(டாஸ்மாக் சாத்திவிட்டான் என்பது வேறுவிஷயம்) இரவு 3.30 மணிக்கு(அதிகாலை) தான் தூக்கமே வந்தது. நாளைல இருந்தது regulara செய்ய வேண்டியதை ரெகுலரா செய்யவேண்டும் என்ற வாழ்வின் தத்துவம் புரிந்தது. 16 வருட சரக்கு வாழ்க்கையில் ஒரு நாள் குடிக்காமலிருந்தது ஆச்சரியமே. அதுவே இந்த பதிவேழுத(உங்களை கொல்ல) தோன்றிய அறிய விஷயமும் கூட. வாங்கிய புத்தகம் பெயர் ’ஜீவன் முக்தி’. தள்ளுபடி விலை 150 அசல் ரூ.300. கழுத்து மாலை Rs.100(தட்ஸ் டூமச்)

பின்குறிப்பு: இரு நாள் சாயந்திரமும் பிஸியாக! இருந்ததால் சாட்டிங்கில் வரமுடியவில்லை என்று தோழிகளுக்கு(தோழர்களுக்கு: அது ரொம்ப முக்கியம்) தெரிவித்துக்கொள்கிறேன்.

அகமகிழ்தல்

2010-01-08T21:55:00.002+05:30

மலர்ச்சியா இருந்தது
பேருந்தில் நண்பனை பார்த்ததும்
எடுத்தவுடன் சிலப்பதிகாரத்தில் ஆரம்பித்தான்
பேச்சுகள் இடம் மாறிக்கொண்டேயிருந்தது
ஜன்னல் வழி செல்லும் கிராமங்களாய்
சாருவும் ஜெயமோகனும் வந்துபோனார்கள்
ஓஷோ, ஜெகே, தர்க்கம் செய்தனர்
கவிதையில் தாகூர் நகுலன் என மாறி
டக்கென்று பிரமீளிடம் மையம் கொண்டோம்
நிறுத்தம் வரவே பிரியாவிடை பெற்று
நடக்க துவங்குகையில் ஏதோ உறைத்தது
மல்லாட்ட பையும் கரைச்ச நுங்குவும்
பஸ்ஸோடு போயிருந்தது

ஒன்றுக்கும் லாயக்கில்லை எனச்
சொல்லபோகும் வார்த்தைகளை
மனசுக்குள் முன்மொழிந்துக்கொண்டே
நடந்தது கால்கள் வீடுநோக்கி

பிறிதொரு ஆறு மணிநேர
பேருந்து பயணத்தில்
நண்பனை கண்டதும்
மலர்ந்து எழுந்தது நெஞ்சம்
இம்முறை அவன்
ரூஷ்ய புரட்சியில் ஆரம்பித்தான்

உணவின் சுருதிபேதங்கள்

2010-01-07T12:16:00.009+05:30

1. என் பேச்சை அவள்
எப்போதும் கேட்பதில்லை
மீன் குழம்புவையடி என்றால்
கடங்காரி வழக்கம்போலவே
தேன் குழம்பே வைக்கிறாள்

2. பரிமாறும் பூபோன்ற
சுடான இட்டிலியில்
கைவைக்கும்போதெல்லாம்
சட்டென அவள் கன்னம்
உணர்கிறேன்

கன்னத்தில் ஊறுகையில்
இட்லியின் ஸ்பரிசம் வந்தமைகிறது
அவளிடம் மட்டும் சொல்லுவதில்லை
இட்லியும் கன்னமும்
ஒன்றேயென

3. ஹட்சன் அண்ணபூரனா தயிர்கள்!
ஆவின் மற்றும் பிற பால்
வழி வந்த தயிர்சாதம்,
சரவணபவன்! கணேஷ்பவன்!
தயிர்சாதம், என
ருசி பேதங்கள்
எப்போதும் இட்டுச் செல்லும்
ஆச்சரியங்களை.... !

தமிழ்மண விருதில் இரண்டாவது கட்டத்தில்

2010-01-03T12:11:00.005+05:30

தமிழ்மணம் விருதுகள் போட்டியில் எனது பதிவு ’தந்தியற்ற வீணை’ இரண்டாம் கட்டத்திற்கு நகர்ந்திருக்கிறது. ஓட்டளித்த அனைத்து சகபதிவர்களுக்கும், நண்பர்களுக்கும், வாசகர்களுக்கும் நன்றியை முதலில் தெரிவித்துக்கொள்கிறேன். கவிதை போட்டி பிரிவில் நான் வரவில்லை பா.ரா(சித்தப்ஸ்) மற்றும் நர்ஸிம் போன்ற பெருமுதலைகள் ஒரு காரணம். ஆதலால் வேறோரு பிரிவில் தேர்ந்தெடுக்கப்பட்டயிருப்பது சந்தோஷத்தை தருகிறது.

பிரிவு: தலித் மக்களின் பிரச்சனைகள், மனித உரிமை, நிறவெறி (Racism) தொடர்பான கட்டுரைகள்

1. வாக்குமூலம்...... - வாக்குமூலம்.....
அவர்கள் !!
2. இந்தியன் (Hindusthani) - veerantamil
திரு. அம்பேத்காரின் சாதனையும் உலக புரட்சியின் வித்தும்
3. புகலி -
நான் ஒரு கறுப்பினத்தவன், நான் ஒரு கறுப்பினத்தவனாகவே இருப்பேன்
4. Ponnusamy - பொன்னுசாமி
ஷாருக்கானுக்கு ஒரு நியாயம்? தமிழனுக்கு ஒரு நியாயமா?
5. அறிதலில் காதல் - D.R.Ashok
தந்தியற்ற வீணை
6. செவ்வாய்க்கிழமை கவிதைகள் - Sai Ram
தலித்தை கொளுத்தினார்கள்
7. கனவுகளே - SUREஷ் (பழனியிலிருந்து)
விலைமகளே பரவாயில்லை
8. சொல்லும் செயலும் ஒன்றே - பி.ஏ.ஷேக் தாவூத்
சாதி ஒழிப்பு: இஸ்லாமே தீர்வு

அடுத்த கட்டத்திற்கு நகர நண்பர்களே ஓட்டளிக்க இங்கே.

உணர்வுகளாய் தெறிக்கும் நொடிகள் பிறழ்ந்தவனின் மனக் குறிப்புகள்

2009-12-29T22:41:00.002+05:30

எண்ணங்கள் எழுத்தாய் விரிகிறது
மண்புழு பெரிதாய் குவிந்து
மெல்ல மெல்ல உள்நுழைதல்

அழும்குழந்தை முன்
தோற்குமென் கவிதை

தனித்துவிடப்படல் இயற்கையின் குரூரம்
தனியே வாழமுடியாதது இயலாமையின் மிச்சம்

வாக்கியத்துக்குள் வார்த்தைகளை அடுக்கும் முயற்சி
தொடர்ந்து உள்அடுக்குகளை அறியும் சுழற்ச்சி

ஆடித்து ஆடிக்கொண்டிருக்கற போது
குலுங்குமவள் பிட்டத்து சதை கடிக்க விழையும் மனது

வார்த்தைகளில் மாட்டிப்பிழைப்பவர் எவர்
மாட்டாதவர் எவர் - சிக்கி கிழியும் மனது
நினைவுகளின் ஊடே கடல் கடந்து
காந்தார கலைகளைக் கற்றுத்தேர்ந்து
பிரமீடுகளின் உச்சத்திலிருந்து நிலா தொட்டு

உனைத்தாண்டி உனை உணர்ந்துயிருக்கிறாயா
மழைபெய்து ஓய்ந்து போன யாருமற்ற
கழுவிட்ட தார்ச்சாலையில் பெரு மரங்களின் ஊடே
கசியும் குளிருடன் கையில் ஒரு சிகரெட்டுடன் நடந்து செல்வது

திரும்பிய பக்கமெல்லாம்
துரோகத்தின் எச்சில்
ஓடி ஒளிய தேடும் மறைவிடங்கள்
பிணவரையின் நாற்றம்

வெட்டி சுருண்ட விழிகள்
கட்டி இறுகின வலிகள்
முட்டி மோதிய உடல்கள்
தட்டி கீறிய பற்கள்

கடந்து போனது மனது
நின்று சுற்றியது காற்று
பாடும்போது கூடும்போது
எழுதும்போது பிரதி இன்பம்

துணையன்றி ஏதுமில்லைதான்
துணையென்பதும் நீயேதான்
தனித்து வாழாதது மனதின் அச்சம்
தனித்தே இருப்பது தவத்தின் உச்சம்

ஊற்றின் கண்

2009-12-19T23:03:00.003+05:30

தன் மௌனமொழி உடைத்து சூன்யமாய்
ஆச்சரியம் பொங்க மூச்சின் மய்யம் மாற்றி
உறக்கத்தையும் கனவுகளையும் ஒன்றாக்கி
எப்பொழுதினிலும் அதனை உணர்ந்து
சுவாசம் உடல் மனம் இருப்பு தாண்டி
நினைவுகளில் நிறையும் தனிவெளி
இலக்கின்றி திரியும் மறைபொருளாய்
எதுவுமற்ற மறைந்த கேலிக்கூத்தாய்
எல்லாம் கலந்து விரியும் பிரபஞ்சமாய்
என்னுள் நீளும் தன்புணரும் சொரூபநிலை
இருத்தலின் பேரானந்தம்
சுரக்கும் ஆதாரம் என
மெல்ல திறக்கும் என்
ஊற்றின் கண்

சித்தப்பு(பா.ரா) புக் ரிலீஸ் விழா

2009-12-14T17:55:00.005+05:30

அகநாழிகை பொன்.வாசுதேவனி(ரி)ன் புத்தக வெளியீடு விழாவுக்கு வழக்கம்போல லேட்டாதான் சென்றேன். நுழையும் போதே ஆச்சரியம் காத்திருந்தது என் அபிமான சாரு பேசிக்கொண்டிருந்தார். நேராக முன்னால் சென்று ஓரமாக நின்றுக்கொண்டேன். நர்சிம்மும் பக்கத்தில் நின்றுகொண்டிருந்தார். கூட்டங்களில் எப்பொழுதும் நிற்கும் நிலை எங்களுக்கு. சாரு பேச்சினை ரசிக்கும் போது எடுத்த படம் மேலே. அழகான நர்சிம் பக்கத்திலிருந்தும் சுமாராகவாது தெரியும், பச்சை டீசர்டில் அடக்கமாக நிற்பவர் உங்கள், D.R.Ashok.

வழக்கம்போல் சாருவின் உரை அருமை. ஞாநி பேசும் போது அறியதோர் கருத்தை முன்னிருத்தினார். ஏதோ என எழுதாமல் மிடில கிளாஸ் எல்லைட் தாண்டி அடிமட்ட மக்களுக்களின் பிரச்சனைகளையும் எழுதுங்கள் என்று கேட்டுக்கொண்டார். 80 சதவிதத்தினர் அரசுபள்ளியில் த்மிழில் தான் படிக்கிறார்கள் என்றார்.

சித்தப்பு உங்க மகளை எனக்கு தெரியமா போச்சு. கேபிள் பதிவுல படிச்சு தெரிஞ்சிகிட்டேன்.

மேலும் படங்களுக்கு http://yerumbu.blogspot.com/2009/12/blog-post_09.html இந்த லிங்கை கிளிக்கவும்.

பதிவர்கள் பலரை சந்தித்தது சந்தோஷத்தை கொடுத்தது. எம்.அப்துல்லா, Dr.புருனோ, வா.மணிகண்டன், என்.விநாயக்முருகன், எறும்பு, நிலாரசிகன். ..இப்படி பலர்.

அப்பாலிக்கா சாரு, வாசு(அகநாழிகை), தண்டோரா, கேபிள், ச.முத்துவேல் அதிபிராதபன் மற்றும் பட்டர்பளை சூர்யா அனைவரும் இலக்கிய பேருரை ஆற்றினோம் சாயந்திரப் பிற்பகுதியில்.

வாழ்த்துக்கள்

2009-12-11T14:06:00.004+05:30

சித்தினை அசித்துடன் இணைத்தாய்

பக்தியென்றொரு நிலை வகுத்தாய்

பாரதி என்றொரு கவியை படைத்தாய்

அதன் சுடரொளி ஒரு தொடராய்

அகல்விளக்காய்...

என்றென்றும் ஒளிவீசும் நம் கவிஞர்களின் ஊடே..

என் கவிஞன் பாரதிக்கு பிறந்தநாள் வாழ்த்துக்கள்

கண்டவை கேட்டவை - 3

2009-12-04T16:39:00.011+05:30

2012 - அட நம்ம விஜய் படம்மாதிரியிருந்தது. வழக்கம்போல் என் ஐந்தறை வயது மகன் ரசித்து பார்த்தான். படத்தில் radio jackie, இந்திய மனம், எழுத்தாளனின் பார்வை, ஹீரோ ஹீரோயின் குடும்ப நிதர்ஸனம், தலைவர்களின் நாடு பற்றிய நேசம், பெரு வர்க்கத்தின் இயல்பான சுயநலம் என்று படத்தின் ஊடே ஓட்டிக்காட்டுகிறார்கள். அந்த RJ அதிகமா ஸ்கோர் பண்ணிடறார். பற்றியும் பற்றாமலும் படம் பார்க்கமுடிகிறது. பௌத்த சன்னியாசி சிஷ்யனுக்கு கொடுக்கும் ஒரு வரி போதனையும், பேரலையின்போது மணியடித்துக்கொண்டு வாழ்வை(சாவை) எதிர்க்கொள்வதும் கவிதை. விஞ்ஞானம்(பணபலத்துடன்) அதிலிருந்து தப்புவதற்க்கு பெரிய ஷிப் கட்டுவது.

ஆஸ்ரேலியாவிடம் தோற்று இலங்கையிடம் ரண்குவித்து நம் மனதை ஆற்றிவிட்டார்கள் தோனி அன் கோ. ரொம்ப நன்னிங்கன்னா. 10 குழந்தைகளை தண்ணில விட்டு கொன்றுயிருக்கிறார் ஒருத்தர். காரணம் ஒரு செல்போன். நம்மூரில் சைக்கிளில் போவோர் கூட ஸ்டெயலாக ஒரு கையில் போனும் மறுகையால் வண்டியும் ஓட்டுவார். எதிரில் பக்கத்தில் போவோர் மட்டும் ஜாக்கிரதையா போகோனும். போன்ல பேசறது, தேவையில்லாம லேப்டாப் மற்றும் கம்யூட்டர் வைச்சிக்கறது நம்ம நாட்ல சகஜமப்பா. மனிதம் போற்றுதல், பரஸ்பர உதவிகள், மன்னிப்பு, சகிப்புதன்மை அப்படின்னா கிலோ என்ன விலை.

குமுதம் அரசுபதில்களில் சாருவை தேவையில்லாமல் இழுத்துயிருக்குறது. காமெடி+காமநெடி பத்திரிக்கை சாருவை காமெடியாக்க முனைந்துயிருப்பது எவ்வளவு பெரிய காமெடி.

உறுபசி

2009-12-03T17:19:00.004+05:30

பித்துப் பிடித்து அத்துவானக் காட்டில்
கதறி அழுகிறேன்
பின் மிகுந்த ஓலமிட்டு
காடதிரச் சிரிக்கிறேன்
கையில் பெரிய கோடரி கொண்டு
பெரு மரங்களை வெட்டிச் சாய்க்கிறேன்
யானையின் தும்பிக்கை பிடித்து
தூக்கித் தரையிலடித்துக் கொன்று
என் ஓநாய் பற்களால் பசியாறி
தந்த ஆயுதம் செய்து
குன்றிலமர்கிறேன்
வேட்கை மிகுந்து
காதருகே சீறி வந்த மலைப் பாம்பின்
கழுத்தை பிடித்துச் சுருக்கிட்டு
தடித்த மரக்கிளையில்
ஊஞ்சல் கட்டி
கண்ணயரக் காத்திருக்கிறேன்
நானே காடாக
காடே நானாக

நிலவை ருசிக்க
யத்தனிக்கையில்
நட்சத்திரங்களிலிருந்து
கொட்டும் இரத்த மழை

(உரையாடல் கவிதைப் போட்டிக்கான கவிதை)

பிடித்த 10 பிடிக்காத 10

2009-11-29T22:28:00.003+05:30

நண்பர் கேபிள் சங்கர் என்னை இந்த தொடர் பதிவுக்கு அழைத்திருந்தார். பிடிச்ச பத்து, பிடிக்காத பத்து. கொஞ்சம் இக்கட்டான விஷயமா இருந்தாலும் எழுதிட்டேன்.

1.அரசியல்வாதி

பிடித்தவர் : கலைஞர்(அரசியல் சாணக்கியம்) & திருமாவளவன் (இவரின் தமிழ்பேச்சு அதி அற்புதம்)(வைகோவும் இந்த லிஸ்டில் சேரவேண்டியவர்..ஆனால் சாரி .. காரணம் உங்களுக்கே தெரியும்)

பிடிக்காதவர்: ஜெயலலிதா, Dr.கிருஷ்ணசாமி(கமல் போன்ற கலைஞனை கலாய்த்தற்காக, மற்றும் நம் கலாச்சாரத்தில் உதட்டில் முத்தமிடக்கூடாது என்று உளறியதற்காக) & சுப்ரமணியசாமி (காமெடிதான்)

2. நடிகர்
பிடித்தவர் : வாழ்வே மாயம் கமல்ஹாசன், கார்த்திக் (அக்னி நட்சத்திரம்), டெல்லிகணேஷ் (டௌரி கல்யானம்)
பிடிக்காதவர் : மன்சூர் அலிகான், பிரஷாந்

3. உணவு
பிடித்தவை : சாம்பார், ரசம், மோர், இட்லி, தோசை, மட்டன் மற்றும் செட்டிநாடு உணவுவகைகள்.
பிடிக்காதவை : எண்ணெய் அதிகம் கலந்ததும், காரமும் உள்ள பண்டங்கள் அனைத்தும்.

4. இயக்குனர்:
பிடித்தவர் : பாலா, மிஷ்கின், வசந்தபாலன், மணிரத்னம், பாலாஜிசக்திவேல், பாலசந்தர், ருத்ரைய்யா, விசு, பாரதிராஜா,
பிடிக்காதவர் : பேரரசு

5. தொழிலதிபர்
பிடித்தவர் : சக்தி மசாலா (குறையொன்றும் இல்லை என்று வேலைக்கொடுத்தினால்)
பிடிக்காதவர் : சரவணாபவன் அண்ணாச்சி (எத்தன பிகர ஓட்டிட்டார்ப்பா)

6. எழுத்தாளர்
பிடித்தவர் : தி.ஜா, ஜி.நா, சுஜாதா(rulesa மிறினாலும் இவங்கள விடமுடியாது), பாலகுமாரன், சாரு, எஸ்.ராமகிருஷ்ணன் (கதாவிலாசம் & துணையெழுத்து)
பிடிக்காதவர் : நிறைய இருக்கு

7. இசையமைப்பாளர்
பிடித்தவர் : இளையராஜா, எ.ஆர்.ரஹ்மான், ஹாரிஸ், எம்.எஸ்.வி
பிடிக்காதவர்: சாய்ஸ்ல விட்டுறலாமே

8. ஓளிப்பதிவாளர்:
பிடித்தவர் : சந்தோஷ்சிவன் & P.C.ஸ்ரீராம்
பிடிக்காதவர் : மொக்கையாய் ஒளிப்பதிவு செய்யும் எல்லோரும் (ஹிஹி கேபிளை வழிமொழிகிறேன்)

9. காமெடியன்:
பிடித்தவர் : கவுண்டமணி, வடிவேலு, விவேக், கர்ணாஸ்
பிடிக்காதவர் : விஜய T.ராஜேந்தர்

10. பதிவர்
பிடித்தவர் : R.P.ராஜநாயஹம்
பிடிக்காதவர் : D.R.அஷோக் (எல்லாம் ஒரு வெளம்பரம்.....)
ஒரு நாலு பேரை நான் கூப்பிடணுமாம்..

1. யாத்ரா

2. மண்குதிரை

3. Shakthiprabha

4. Karthikeyan G

5. என்.விநாயக முருகன்

இடையே - எது கவிதை?

2009-11-23T21:41:00.004+05:30

விரலுக்கும்
உரலுக்கும்!

பிளவுக்கும்
முக்கிற்க்கும்!

குத்துக்கும்
இருமுறை பாக்ஸர் ஃப்ராக்சருக்கும்

மனமாற்றலுக்கும்
மென்மைக்கும்

சினிமாவுக்கும்
குடிக்கும்!

சால்னாவுக்கும்
சப்ஜிக்கும்!

இரண்டுக்கும்
மூன்றுக்கும்!

இல்லை...
மூன்றுக்கும்
நான்குக்கும்!

இல்லையடி...
இப்போதைக்கு உன்
இடையே!

தந்தியற்ற வீணை

2009-11-20T22:59:00.005+05:30

வட்டங்களிலும் சந்திப்புகளிலும்
தடித்து போயிருக்கும் சாதிய இருள்மை
அதே கொடுமை தாங்காது இனமே
சிதைந்தும் நடுங்கி பிழைத்தல்
சில கட்டங்களுக்கு மேல் உயரமுடியாமல்
போகும் அவலம்

சோற்றுக்கும் வாடகைக்குமே
ஓடி வாழும்! நரக வாழ்க்கை
வாழ்வின் தொடரோட்டத்திற்கு அஞ்சி
கனவில் கூட வர மறுத்த இறுகிப்போன காமம்

தனிமையின் உச்சத்திலிருந்து
கதறிக்கொண்டிருக்கும் மனது
தவிக்கவிட்டு செத்து போன மனைவி
சாககூடமுடியாமல் கைகளில்
தேவதையை போன்றதோர் குழந்தை

தனித்தே இருக்கும் வேதனை, கோபம், கண்ணீர்
என்றேனும் அறியபடுத்துமா உங்களுக்கு
இந்த சாபமிட்ட வாழ்க்கையினை?

இத்தனை கசடுகள் நடுவினிலும்
வார்த்தைகளின் மேல் உள்ள காதலால்
அர்த்தப்பட முயற்சிக்கும் சொற்கள்
வந்துவிழும் கணங்கள் சுகமே.

வார்த்தை சிதறல்கள்

2009-11-13T23:11:00.003+05:30

எழுத உட்கார்ந்த சிறுபொழுதுதியானமாய் நகர்ந்தது எழுதாத கவிதை – ஏனோ என் பின் தொடர்ந்தது

வானமெங்கும் திருவிழா
நட்சத்திரக்கூட்டம்
நிலவை தரிசிக்க

வயிறுமுட்ட குடித்தபின்
நண்பன் கொண்டு வந்த
வெளிநாட்டு சரக்கு

எழுதியவுடன் கவி இறந்து - உயிர்பெறுகிறது
கவிதை

கண்ணுக்கெட்டிய தூரம்வரை
துரோகங்களின் வெளிச்சம்
இறைஞ்சி நின்ற கைகளையும்
வெட்டிச்சாய்க்கும் கூட்டம்

நல்ல கவிதைக்கு காத்திருக்கும்
கவிமனம் - சாத்தியமில்லா
பொழுதுகளில் வாழும் நான்

மாடுபோட்ட சாணி
க்‌ஷனத்தில் ஆனது
கடவுள்

மனிதம் மட்டும் அஃறினையாய்
விறைத்து குறைக்கும்
நாய் மனதாய்

வேணாம்டி விட்று

2009-11-07T22:39:00.005+05:30

மழையில் நனைந்தோடும் பெண்கள்
அழுக்கேறும் மனம்

மெல்ல நுழைந்து டிராகனைபோல்
தலைதூக்கும் காமம்

நியாபக செதில்களில்
பட்டுத் தெறிக்கும்
பிரிவுகளின் கொடூரவழித்தடங்கள்
மழை நாட்களில்

மனதில் ஏற்றிவைத்த
சகடுகளை பிய்த்து
எறிந்துக் கொண்டே ஓடுகையில்
வழிந்து கொண்டிருந்தன
வார்த்தைகள்

நல்லது, பொல்லாதது,
நேர்மையற்றது, வினோதம்,

பெய்தாலும் பொய்த்தாலும்
கடினமே இந்த
மழையும் காமமும்

கண்டவை கேட்டவை-2

2009-11-02T12:19:00.004+05:30

எல்லோரும் பாராட்டிய சுப்ரமனியபுரம் நமக்கு சுமாராய் தான் பிடித்திருந்த்து - 1. costumes (பயன்படுத்திய் பொருட்கள் மற்றும் சுவர் விளம்பரங்கள் 2. இரு கண்மனி அசையும் அதில் தெறிக்கும் 3.நம்மளம் சிவப்பாதானடா இருக்கொம் - தவிர்த்து.

நாடோடிகள் படம் முழுக்க ஒரே அலம்பல் natureரான காமெடி। இதில் அதிகம் பரிசை தட்டி செல்பவர் தலைல ஜட்டிய காய போட்ட அந்த சுருள் முடிக்காரர். படத்தில் எவ்வளவு சீரியசான சீன் என்றாலும் காமடி பண்றார். (இதில் ரிவர்ஸ் ஆங்கிளும் உண்டு வீட்டில் சோகத்தை அனுபவிப்பவர்கள் வெளியில் சந்தோஷமாய் பேசிதிரிவர்). புள்ளைக்காக காதல் தூது செல்லும் தந்தை ‘நான் ex-serviceman என் பையன பாக்க போவேன்’.

ஆக்டிங்கில் எல்லா இடத்திலயும் ஸ்கோர் பண்றார் ஹீரோ danceயை தவிர்த்து. முத்தம் கொடுக்க தயார் ஆகும் சீன் தொடர்ந்து ‘மாப்பள’ என்ற குரலும் சிதறி ஒடும் நல்லம்மா whole சீனும் சூப்பர்ம்மா. கு.ந.நல்லம்மா என்ன பேரோ, நல்லாயிருக்கு பொன்னு. தங்கை கேரக்டரும் நச் ‘காலைலேவா.. ரெய்ட் ரெய்ட்’ அழகு.

கிளைமேக்ஸ் கொஞ்சமும் ஒட்டவில்லை. வேறுவழியில்ல ஹீரோயிஸத்தை அங்ககூட காட்லனா ஏப்படி..கிளைமேக்ஸ் தவிர்த்து படம் முழுக்க Good Entertainment. நம்ம ஹீரோகிட்ட எப்பவும் ஒரு spontaneity தெரியுது That’s good keep it up sir.

திரு.கள்ளபிரான், எந்த பாசாங்கும் இல்லாத எழுத்து இவருடையது.
http://kaalavaasal.blogspot.com
பாரதியின் சுவையான வீச்சான கட்டுரைகளை சிறு விளக்களுடன் படிக்கவேண்டுமா. இவர் தொடர்ந்து எழுதுகிறார் படித்து பாரதி மழையில் நனையுங்கள்.

கிசு கிசு
எந்த நேரத்துல எழுதனனோ, நம்ம யூத்து கேர்ள் பிரண்டோட உரசல், சைதாப்பேட்டை 3 நட்சத்திர ஹோட்டல் பாரில் நாலு லார்ஜ் போட்டு நாலு நாள் தாடியோட ’இந்த அஷோக் எழுதி கண்னுப்பட்டு போச்சுன்னு’ சொல்லி தன் நண்பர் பேரிகை கொட்டுபவரிடம் புலம்பியிருக்கிறார். சோகத்தில யூத்து 2 சிக்கன் தந்தூரியும் 1 மட்டன் சுக்காவையும் ஒரு சொறா புட்டையும் உள்ளே தள்ளியிருக்கிறார். என்னே சோகம்!

கண்டவை கேட்டவை

2009-10-25T21:16:00.013+05:30

எல்லோரும் (நம்ம ப்ளாகர்ஸ்தாம்பா) எதிர்த்த, பாராட்டிய, உன்னைபோல் ஒருவன் படம் பார்த்தேன். நன்றாகவே இருந்தது. வேகமாய் ஓடி மறைந்தது. ஆங்கில(french,Italy, spanish etc) படங்களை மட்டுமே விரும்பி பார்க்கும் நமக்கு நல்ல தீனி போட்டது. சில overdoseசும் உண்டு. ’தீவிரவாதம்’ சரியாக புரிந்துகொள்ள படவில்லையோ என்று யோசிக்க வேண்டியிருக்குறது நம்மவர்களின் படங்களை பார்க்கும்போது.

உதாரணம்: The Traitor: அசத்தல் கதையமைப்பு, கதா பாத்திரத்திற்கு இணையாக ஓடும் நடிக்கும் காமிரா, நேர்த்தியான எடிட்டிங், உரையாடல் என்று பின்னி பெடலெடுப்பார்கள். இசை சிறப்பாயிருக்கும். உ.போ.ஒ-னிலும் இசை திருப்தி.

நான் மிகவும் இரசித்து படிக்கும் தளங்களில் மிக முக்கியமானவர் R.P.ராஜநாயஹம். ரத்தினசுருக்கம் இவரது எழுத்து. வியக்கவைக்கும் நியாபக சக்தி. அதன் இரகசியம் அறிய ஆசை.

http://www.rprajanayahem.blogspot.com/

விஷய ஞானம் உள்ளவர். பார்த்து அனுகுங்கள். படித்து மகிழுங்கள்.

கிசு கிசு

பிரபல பதிவர் அவர். சினிமா விமர்சனம் எழுதி பிரபலம் அடைந்தவர். பெயரில் “c" "r" எழுத்து உடையவர். யூத்து யூத்து என்று சொல்லிகொள்பவர் இப்போது உண்மையில் யூத்தாகி 18 வயது இளம்பெண்னுடன் K.K.Nagar, kodambakkam, saaligramam ரெஸ்டாரண்ட்களில் நெருக்கமாக ரவுண்டு கட்டுகிறார்.

இது என் முதல் பதிவு. கவிதை அல்லாதது.(என்ன கவிதை எழுதி கிழிச்சேன்னு கேக்கப்படாது)

இதுவரை பதிவு எழுதி ப்ளாகர்களாக இருக்கும் அனைவருக்கும் என் முதல் பதிவு சமர்ப்பணம்.

பிறழ்ந்தவனின் மன ஓட்டம்

2009-10-07T23:45:00.001+05:30

ஓடி விளையாடு! - முதலில்
வயிறு நிறைய சோறிடு
என்றது பாப்பா!

கண்ணே கலைமானே!
கண்ணு மைனஸ் ஒண்ணு
கலைமான் கிண்டி ஜூல...

தோற்றுவிடுவோமென்று
தெரிந்தே போரிட்டான்
இராவணன்
இறைவனை எதிர்த்து
தோற்றது மனிதனா? கடவுளா?

நித்தம் போராடி
வாழ்க்கை ஓட்டும்
அன்றாடகாய்ச்சிகளாய்
என்னைப்போல்
பலபேர் பாரெங்கும் (பாரிலும்)

சேரவே முடியாத
ஏற்ற இறக்கங்களை கொண்ட
திருமணங்கள்
போராடி பேயாடி
பின் மாயும்

துணிந்து அறுத்துக்கொண்டாலும்
பிள்ளைகளின் வாசனை
சதா வந்து போகும்

வேதனையோடு நகர்தலே
வாழ்க்கையெனில்
இது தேவைதானா இறைவா...
‘தேவையென்றும்
தேவையில்லையென்றும்
எனக்கு ஏதுமில்லையென்றான்’
போடா பா_ என்றேன்.

நாள்ளொன்றாய்
சாராய நெருப்பினில்
திளைத்து ஊறி
எரிந்து போகும் உடல்கள்
எரிக்கும் வேளை காத்திருக்கும்
வரை கொண்டாட்டமே...

வியாதியில் வலியில்
துடிக்கும் போது குவாட்டரோடு
வந்து தோள் தூக்குபவரே
நண்பர்.. மற்றோர் துன்பர்

Scene 42 short no:142 Take 1

வலியில் கறைந்து செல்லும் மனது
உள்ளோடி உறையும் புகையின் படிமம்

Scene 42 short no:143 Take 2

உள்ளே புகையை போல படரும் வலிகள்
சாவை நோக்கி காத்திருக்கும் நான்

Cut
Take ok

நிதர்ஸனம்

2009-10-06T22:40:00.001+05:30

காதல்
பாசம்
பரிவு
கருனை
விட்டுகொடுத்தல்
கல்யாணம்
தாய்
தகப்பன்
புள்ள
அண்ணன்
அக்கா
தங்கச்சி
தம்பி
மன உளச்சல்
கோபம்
எல்லாம் டூப்பேஏஏஏஏஏஏஏஏஏஏ
சுயநலந்தான்
டாப்பேஏஏஏஏஏஏஏஏஏஏஏஏஏஏஏஏஏஎ

காதல்

2009-09-20T22:27:00.003+05:30

கவிதை தொட்ட கைகளில்
காமனை தொடமாட்டேன்
என பகர்ந்தேன்

காதலி எனை இழுத்து
அழுத்தமாய் உதட்டில்
முத்தமிட்டால்

இனி கவிதை எழுத்தில் இல்லை
அவள் உதடுகளில்

சுமையென சுமை அல்லது வீடு திரும்புதல்

2009-09-13T23:40:00.003+05:30

நாள் பொழுதும் உழைத்த
அவள் தலை சும்மாட்டில்
பொருட்கள் கொண்ட பாண்டு

வளைத்து சுற்றிய
புடவையில் குழந்தை

சாயந்திர நேர்வெய்யில்
முகத்தில்

செருப்பில்லா கால்கள்

ஏனோ தெரியவில்லை
ஏஸி குளிரில் உட்கார்ந்து
பார்த்த எனக்கு
குதத்தில் வலித்தது

பிட்சா சரியில்லையென
நண்பர்கள் சொல்லும் போதெல்லாம்
இவர்களை நினைக்க
தோன்றுகிறது - ஏனோ தெரியவில்லை!

வானம் தேடுதல்

2009-09-10T12:27:00.002+05:30

மேகம் தாண்டி
வானத்தில் குதித்து
கால் நழுவி பின்வீழ்ந்து
மிதந்து பறந்தேன்

வானமென்றே ஒன்று
இல்லையென உணர்த்தியது
எங்கும் பரவிய வெளி.

நகர்ந்து கிடந்து
தனித்து நிலைத்து
அதுவே நானென புரிய
சுற்றி சூழ்ந்தது வானம்

சிதறிய கவிதை துண்டுகள்

2009-09-04T22:14:00.002+05:30

சிலர் கவிதை படைப்பதும்
சிலர் கவிதை வெறுப்பதும்
கவிதைதான்

அள்ள அள்ள குறையவில்லை
பாத்திரத்தில் நீர்
மேலே திறந்த குழாய்

குக்கர் குழந்தை
காலிங்பெல் தொலைபேசி
குரல் கொடுக்க எல்லாவற்றுக்கும்
மறுகுரல் கொடுத்தாள்
மனைவி

சந்திப்பை நோக்கி
காத்துக்கொண்டிருக்கும்
கோடை பூமி

புரிதலை நோக்கி
சிந்திக்கொண்டிருக்கும்
மழை மனது

மழை பரப்பும்
வாசனை திரவியம்

திட்டு திட்டாய்
வெளிச்ச வானமாய்
கருமேக கூட்டம்

மண்னை நனைத்து பின்
மேலோடி போகும்
நீர் போல

சுவைத்து சப்பிய
மாம்பழக் கொட்டை

துரோகம்

2009-09-01T15:27:00.004+05:30

துரோகங்கள் நிறைந்த வாழ்க்கையை
நான் ஆராதிக்கிறேன்
ஏன்னெனில்….
துரோகமே நிலையாகிபோன
உலகிலே
துரோகம் செய்வதில்தான்
உண்மையும் மிகுழ்ந்த
வலியும் உண்டு

கவிதை எழுதுதல்

வேண்டியவரை அழகான
வார்த்தைகளை கொண்டு செதுக்கி
புரட்சி பகடி என கலகம்செய்து
கர்ப்பிணி, சாடல், இயற்கை
பெண்மை, மழைச்சாரல்,
போன்ற தலைப்புகளில்
எனக்குண்டான பாடல்களை
எழுதி கவர்கிறேன்

இதை எதையுமே செய்யமுடியாத
தேமேன்னு மற்றவரை
வேடிக்கை பார்க்கும்
இன்னொரு நானாகிய நான்.

மனக் கூப்பாடு

2009-08-27T17:56:00.002+05:30

முந்தி செய்த தவறெல்லாம்
தயக்கம் காட்டாமல்
நடுவே கொட்டிச் செல்கிறது
நியாபக அடுக்குகளை

’வாசிப்பு’ அவற்றை
தவறில்லை என்றுடினும்
’சுற்றம்’ சளைக்காமல்
வேதனை படுத்துகிறது

எத்தனை முறை
பிய்த்து கொடுத்தாலும்
வந்து தொலைக்கிறது
இந்த (நொந்த)காதல்
பல சமயம் சுகந்த.

கடைசியில் மிஞ்சுவதும்
காதலியல்ல காதலே

கமல் பேசுவதை கேட்கும்போது
தன்நம்பிக்கை வருது
ரஜினியை பார்க்கும்போது
தெய்வ நம்பிக்கை!
கமல் ரஜினியென்றே தாவுது
மனம் எனும் வஸ்து
நிலையில்லாமல்

நிலையற்று இருப்பதுதான்
வாழ்வின் ருசியோ....?

இல்லை என் அம்மா செய்யும்
சப்பாத்தியோடு உருளைகிழங்கு
சப்ஜிதான் ருசியோ...?

விசித்திர நொடிபொழுதுகள்

2009-08-15T18:30:00.003+05:30

மேல் உதடுகளும்,
கீழ் உதடுகளிலும் ஆழ்ந்து
பல மணித்துளிகள்
சேர்ந்திருந்தபோதும்
மறுநாள்
மனம்
சேராமல்
போவதென்ன?

கிறுக்கு
கவிதைகளின் வால் பிடிக்க
அவள் என் தோள் பிடிக்க
காதல் பீடிக்க
சடுதியில் காமம் பீறிட
சட்டென துளிர்ந்த வெட்கம்
உள்ளுக்குள்ளே பூ பறிக்க
முகர்ந்தே கண்ணம் கரைக்க
சாத்தானும் கடவுளும்
பாதி பாதியாய் எங்களுள்
புகுந்து பட்டையை கிளப்ப
இதோடு நான் நிறுத்த
அடையுங்கள் ஆசுவாசம்

சொற்களை சுமந்தபடி

2009-07-27T20:40:00.000+05:30

சொற்கள் குறைந்தால் கவிதை
கவிதையும் மறைந்தால் ஒன்றுமில்லை

ஒன்றுமில்லை என
சொல்ல இக் கவிதை

விதை வினை விளை
களை கலை விலை
நிலை நிலைத்து?
மலைத்து விடுத்து
சிடுத்து கடுத்து!

சீட்டு கட்டாய்
கலைத்து போடும் வாழ்க்கை
சுரக்காய் விரகாய் சுமந்தபடி
பல சமயம் குரங்காய்
பால்யம் கொறுக்கலுக்காய்

இதுவும் கடந்து போகும்

2009-07-24T23:19:00.004+05:30

யாரிடமும் சொல்லிவிடதே என
அவளிடம் கெஞ்சினேன்
ஆபிஸில் நெருக்கமான சந்தர்ப்பத்தில்
அவளது பிட்டத்தில் கிள்ளியதை

அழுது சிவந்த அவள் அமைதியாய்
வெளியேறினாள் – மறுநாள்
அலுவலகத்தினுள் நுழைகையில்
எல்லோர் பார்வையும் என்மேல்.
கூசியது உடலும் மனமும்
வெளியேபோ என்று அனுபவ சான்றிதழும்
கொடுக்காமல் விரட்டியடித்தது எஜமானர் உலகம்
இது நடந்தது என் இருபத்தைந்தாவது வயதில்

நன்நடத்தை இல்லா இவன்
வேலையும் அற்று குடும்பத்தில்
மரியாதையும் அற்று சுற்றிதிரிந்தான்

தீராத வியாதியில் கணவனையும்
மோசமான வாஸ்துவால் வீட்டுபிரச்சனையும் தீர
காலில் வீழ்ந்துகிடந்தால் - என் நாற்பத்து ஏழாவது வயதில்
அதே அலுவலக தோழி.. ஆசிக்கூறி அனுப்பிவைத்தேன்
தாடியும் சீடர்களையும் பக்த கோடிகளையும்
வைத்துள்ள ஸ்ரீ ஸ்ரீ....... சாமியான நான்.

வாழ்வின் அதிசயத்தை வியந்தபடி

2009-07-22T23:26:00.002+05:30

சில நாட்களாய் பல மணிநேரம்
தொலைபேசியில் தொடர்ந்து
அவளோடு பேசியபின்னும்
பேச வேண்டிய விஷயங்கள்
நிறைய மிச்சமிருந்தன

மனம் பொங்கி,
உள்ளுக்குள் சிரித்து
முகம் மலர – காரணி!
காதலா? அவளா?

சுகானுபாவனாய் சிந்தித்தே
பித்துபிடித்து கிடப்பது
எப்படி சாத்தியமாகிறது
ஏனிந்த சுய மோகம்!

வியாதி, மனம்,
உடல், ஆத்மா
கடவுள் அனைத்தையும்
கடந்ததோ இந்நிலை

தொடர்ந்து காதலிக்க ஆசை
வந்து மிரட்டுகிறது
ரொட்டி சுடும் கட்டையுடன்
மனைவியின் பிம்பம்

மனமென்னும் வெளியிலே

2009-07-20T22:57:00.002+05:30

வார்த்தைகளை தேடி
வானத்தில் முழ்கி
தொலைந்து போனேன்

சதா தசையென்னும்
வாசனைகளில்
மூச்சு முட்டும்
ஆழ்ந்த மௌனமா

விரக்தியா புரியாமல்
கனத்த மனம்
கலைத்தால் நான்

அமைதி....
வார்த்தைகள்...
அமைதியான வார்த்தைகள்...
அமைதியான....
தியான...
மன....
ம....
...

வாரக்குறிப்புகள்

2009-07-10T22:51:00.004+05:30

படிக்கவே இந்த ப்ராணன் போதாது
பின் எப்படி எழுத?

வர வியாழனாவது பாபா கோயிலுக்கு
போகனும்!

மனைவியிடம் உளறிக்கொட்டி
மாட்டிக்கொள்ள கூடாது

அனுஜன்யா, வீணாபோனவன் இவர்களைவிட
நல்லா கவித எழுதனும்!

சாருவ படிக்கறத விடனும்
சரக்கு அடிக்கறத விடனும்

என்னபன்னறது

முதல் சா மனசுக்கு ருசி
இரண்டாவது ச உடம்புக்கு சால்சா

எல்லோரடையும் அன்பு
(ஆனா நிறைய பேர் வெத்து பந்தா காட்றாங்களே)

__க்கவும்
குளிக்கவும் அவகாசம்

எப்போது சாத்தியமோ
அப்போது மழை!

சுளுக்கும் கொசுக்கடியும்
இல்லா கலவி

எல்லா கோப்பைகளும்
இந்திய கிரிக்கெட் அணிக்கே

குழந்தைகள் சாகாத போர்கள்

வியாதி இல்லா உடம்பு

// கடைசிவரை சுயமாய்
நீர்கழிக்கும் சுகம்

உறக்கத்தில் உயிர்பிரியும்
வரம் //

(வைர வரிகளை 100% ஒத்துப்போகிறேன்)

வார்த்தைகளின் வழியே ஓடும் வார்த்தைகள்

2009-07-02T22:13:00.002+05:30

சாத்திய கூறுகளின் வழியே
ஓடும் வாழ்க்கை

நின்று நிதானிக்க
கற்று தராத பெற்றோர்

எதையும் தவறாகவே
கற்றுதந்த வளர்கலை சுற்றம்

மனதில் எழுதி மறந்த
கவிதைகள் எத்தனையோ.....

கருவி வியாதி
வியாதி நீக்க கருவி –
வியாதி கருவி ?

பழச்சாருவை நக்கிய நாய்கள்
நிஜம் தெரியா முண்டம்

கிருஷ்ணனோ கிறுஸ்த்துவோ
அல்லாவோ புத்தனோ

வார்த்தைகளில் இல்லை வாழ்க்கை
புரிதலில்
அது புரியவே நிறைய ஒட

ஓடை நதி
கடல் - கூடல்
மடல் - குடல்
பசி - தினம்
ஒருவேளை ருசி
வேளையேனும்

வேலைவேனும்
வேலையில்லையெனில் வேலை
சொருக வழியில்லை
பிழையில்லை
வழியில்லை வாழ

காரின் பின்னால் வாசகம்
‘nobody touch u
When God within u’

சாத்திய கூறுகளின் வழியே
ஓடும் வாழ்க்கை
நின்று நிதானிக்க
கற்று தராத பெற்றோர்
பழியை போடு மற்றோர்
மேல்!

உள்ளுக்குள்ளே ஓடும் வார்த்தையென்ன

2009-06-09T22:11:00.006+05:30

சுழித்து ஓடும் வார்த்தைகள்
வழித்து செல்லும் உடல்வாகு
வகுத்து சொல்லும் மனஒழுக்கு
எனக்கு அதில் எப்பொழுதும் பினக்கு

வாசிக்கப்படாத தாளின் வாசனை - அதன்
போக்கிலே எழுதிசெல்லும் கவிதை

காத்திருக்கிறேன் அவளை
காயப்படுத்தும் வார்த்தைக்காக

சதுரங்க விளையாட்டில்
சாஸ்த்திரங்களுக்கு இடமில்லை

மோகலாய பேரரசு பரப்பிய
ஆதித வாசனை ஒவ்வாமை

சுகங்களை மட்டுமே நிரப்பிய கனவுகள்
அபத்தங்களின் தொகுப்பே நினைவுகள்

சாமியென்றும் சன்யாசியென்றும்
ஞானியென்றும் சித்தனென்றும்

தூறலையே மழையென்றால்
மழையை என்னவென்பீர்

இங்கே நான் என்பது
நீங்களாகவும் இருக்கலாம்
வேறுஏதாவதாகவும் ....

எழுதியே எழுத்தாளன்
வானமாகிறான் – படிப்பவன்
வனமாகி....வானரமாகி

அனிதாவின் டைரி குறிப்புகள்

2009-06-02T22:33:00.005+05:30

ஓஷோ நீட்ஷே என்பான்

எல்லாவற்றுக்கும் நானறியாத
வேறொரு அர்த்தம் சொல்வான்

ஆல இலைகளை காற்றில்
ஆட பார்த்திருப்பேன்

ஆங்கிலத்தில் பிழையிப்பான்

மொட்டைமாடி சந்திப்பில்
முத்தமிட முயன்று விலகி ஓடினேன்

தோழிகளிடம் போனில் பேசுகையில்
தனிமையில் சிக்ரெட் பத்த வைத்தான்

காலையில் எனை வ்ந்து பார்க்காமல்
தூங்கியே கிடப்பான் – கேட்டால்
உனை நினைத்தே கவிதை எழுதி
கிடந்தேனடி இரவெல்லாம் - என்பான்

சாயந்திர பொழுதினில் பல ரயில்கள்
போயினும் கடக்கவிட்டு இரவு கவிழ
பிரியா விடைபெறுவோம்

கேரள புடவையில் எனை விழுங்கினான்
ரெங்கநாதன்தெரு உணவுவிடுதியில் பார்வையில்

சட்டென்று விலகிவிட்டேன்
அவனைவிட்டு ஒரு நாள்

கடைசியாக

(photo - get it from Internet)

அன்பு... சுமையா?சுகம்மா? இரண்டுமா?

2009-05-30T22:16:00.007+05:30

புத்திரன்
கொடியது கொடியது அன்பு கொடியது
தேள் கொட்டி பரவும் விஷமது
ஐந்து வயது குழந்தையை அதன்
தாயிடம் கொண்ட முறிவாள் பிரிந்து...
பிரிந்தே ஒவ்வொரு நொடி இறந்து...
நொந்து.... காலம் மறந்தே துடித்து..
கொடியது கொடியது அன்பு கொடியது
மார்பிளக்கும் விஷமது

சுமை
கிழிசல் சட்டை
சிறுமி ஒருத்தி
குழந்தையும் பையுமாய்
பேருந்து நிறுத்த
வெயில் மாலையில்

”வெய்ட்டா இருக்குமே
என்கிட்ட கொடு” என்றேன்
”வெய்ட்டுல்ல இது
என் தம்பி” என்றாள் வெடுக்கென்று

நிலவு பார்த்தல் அல்லது நிலவு பாட்டு

2009-05-23T17:31:00.001+05:30

வானத்தே பறக்கும்
ஒரு வட்ட நிலா
வென்மை தெறிக்க
ஆடி ஓடும் நிலா
பிள்ளையில்லாமல் நான்
பார்க்கும் சுகந்த நிலா
மைக்ரோ ஓவனில்
வைத்து சுட்ட நிலா
கல்யாண அப்பளம்
போல் பொறித்த நிலா
எத்தனை முறை பார்த்தும்
சலிக்காத நிலா
பால்யத்தின் குல்பியை
ஞாபகபடுத்தும் நிலா
இரவு தூக்கத்தை திருடி
விடியல் ஆதவனை
மறைத்த நிலா

(ஜென் கவிதைகளை எழுத உட்கார்ந்து... சுமாரான பாடல் தான் வந்தது...பின்ன சட்டில இருக்கறதுதானே அகப்பைல வரும்)

புலப்படாத உள்ளூறிய தடை தரும் வலி

2009-05-23T16:10:00.007+05:30

பல சந்திப்புகளில்
காதலாய் கனிந்து நின்றோம்
"வரதட்சனை கொடுக்கமாட்டோம்" அவள்
"கவிஞன் இறந்துண்டு வாழ மாட்டேன்" நான்
"நகை சீருக்கு வழியே இல்லை" அவள்
"சுய சம்பாத்தியவாதி" நான்
கல்யாணமாகும் நெருக்கத்தில்
"சாதி என்ன?" வினவினாள்
சொன்னேன்...
இரு தினம் சென்று போனித்தாள்
"வீட்டில் வேண்டாம் என்கிறார்கள்" அவள்
ஊமையாகி நின்றேன்!
நட்பு வட்டத்தில் மிகுந்த தன்னம்பிக்கைவாதியாக
கருதப்பட்ட நான்!

வேறு மழை - ஆதவன் தீட்சண்யா

2009-05-14T18:00:00.005+05:30

மிஞ்சிப்போனா என்னசொல்லிற முடியும் உன்னால இந்த மழையைப் பத்தி

ஓதமேறுன கொட்டாய்ல கோணில மொடங்கியும் குளுர்ல நடுங்கியிருக்கியா

உங்கூட்டுப் பொண்டுக நமுத்த சுள்ளியோட சேந்தெரிஞ்சு கஞ்சிக் காய்ச்சியிருக்காங்களா கண்ணுத்தண்ணி உப்பு கரிக்க

ஈரஞ்சேராம எளப்பு நோவெடுத்துசெத்த சொந்தத்த எடுக்க வக்கத்து பொணத்தோட ராப்பகலா பொழங்கித் தவிச்சதுண்டா

ஒழவுமாடொன்னு கோமாரியில நட்டுக்க ஒத்தமாட்டைக் கட்டிக்கிட்டு உயிர்ப் பதற அழுதிருக்கா உங்குடும்பம்

எதுக்கும் ஏலாம உஞ்செல்லப்புள்ளையோட சிறுவாட்டக் களவாண்டு சீவனம் கழிஞ்சிருக்கா

தங்கறதுக்கு வூடும் திங்கறதுக்கு சோறுமிருந்துட்டா சவுரியத்துக்கு எழுதுவியாடா மயிரானே ஒண்ணு தெரிஞ்சுக்கோ மழை ஜன்னலுக்கு வெளியதான் எப்பவும் பெய்யுது உனக்கு எங்களுக்கு எங்க பொழப்பு மேலயே.

- ஆதவன் தீட்சண்யா
(visaiaadhavan@yahoo.co.in)

(மிகவும் ரசித்த கவிதை, நன்றி: கீற்று)
http://keetru.com/literature/poems/aadhavan_5.php

காதல்

2009-05-13T16:22:00.007+05:30

1... உறவின் பிறர்
முனுமுனுப்புகள்
நம் மேல் தோலில்
அமரும் தூசிதுனுக்குகள்
பறவைகளின் எச்சம்பட்டு

அணில்கள் சாவதில்லை

2.... மாலைவேளையில்
அறிமுகமான
அந்த பறவையும் நானும்
காத்திருந்தோம்
ஆனால் நீ வரவில்லை
அதனால் என்ன
காத்திருக்க இன்னும்
நிறைய மாலைகள்
உள்ளன

(15 வருடங்களுக்கு முன்னால் படித்தது.... ஏதோ ஒரு சுவை, இத்தனை நாட்களாய் ஞாபகத்தில் தேக்கிவைக்கிறது.... யார் எழுதியது என்று தெரிந்தவர் யாரேனும் சொல்லலாம்)

மௌன நாடகம்

2009-05-13T15:59:00.005+05:30

நினைவுகளை தினம்
போத்தல்களில் நிரப்புகிறேன்
முடிந்தவுடன் அவை
வெறுமையாய் புன்னகைக்கிறது

என்னுள்

காணாமல் போன சில கணங்கள்

2009-04-10T17:36:00.003+05:30

வர்றேன்னு...
சொல்லி விட்டு போனாள்

நெடு நேரம் ஆயிற்று
அவள் விட்டுபோன வாசனையும்
எனது இருப்பின் வெறுமையும்
உணர

மன நிறம்

2009-04-07T21:08:00.007+05:30

வக்கணையாய் எழுது!
ஒழுக்கச்சீலனாய் தோன்று!

இரவில் குடித்துவிட்டு புணர்!
பகலில் அழகிலை என சொல்!

வாஸ்து எண்கணிதம் நம்பு!
வெளியே இல்லையென மறு!
ஏன் இப்படி?

தவிப்பு

2009-04-06T22:19:00.008+05:30

காலத்திற்கும் அப்பால்ஒரு காலமௌனம்
புரியாத ஒரு பிரபஞ்சத்தில் தொடங்கும் பிரளயம்
நுயூட்டனும் எயின்ஸ்டியனும் ஒன்றுபட்ட வெளிச்சம்
இவையாவும் மறைந்தே போனது
இருவயது கன்னக்குழியாளின் முன்
என எழுத விழைந்தேன்
கரைந்தே போனாள் - இன்று
கருவின் கரையினிலே

ட்விஸ்டுமா

2009-04-05T16:19:00.004+05:30

சாகித்தியம் சானக்கியம்
படைப்பதில்லை
சானக்கியம் சாகித்திய
படுத்துகிறது

உலவும் தென்றல்
குளுர்ச்சி ஊட்டுகிறது
தென்றல் உலவி
ஊட்டி குளுர்கிறது

தமிழ் கவி

2009-04-03T21:48:00.003+05:30

வெற்றுத்தாள்களும் எழுதுகோளும்
காத்து கிடக்கின்றன
கால்களோ அஞ்சிக்கும் பத்துக்கும்
ஓடியே கடக்கின்றன

தீ

2009-04-03T14:35:00.003+05:30

வனப்பில் உடைந்து வீழ்ந்து
அலையும் உயிர்
மனஆற்றில் வளைந்தும் சுழித்தும்
ஓடும் வார்த்தைகள்

சிறுத்தையாய் விழிகள்
சிறகாய் தேகம்
மதம் கொள்கிறது மனம்
இங்கீத தடை மீறும்
மென்று தின்று
கொன்று கிழிக்கின்றன
ஒவ்வொரு அசைவும்

சாத்தியமற்ற பொழுதுகளில்
சரியும் உடலும் சாயாத உயிரும்

ரெண்டும் ஒன்றா?

2009-04-03T14:15:00.004+05:30

கவிதை படித்தபின் வரும்
நிசப்த அமைதி
கனவு கலைந்த திடீர்
விழிப்பு நேரம்

To தல R P ராஜநாயஹம் அவர்களுக்கு

2009-04-02T15:58:00.003+05:30

கசப்பு வாழ்வையும்
கவிதையினூடெ கடத்தல்

வாசிப்பின் மோகமும்
மொழியினில் மேதமையும்

கெட்டவை விலக
கொண்டாட்டம் பெறுக

கடவுள்

2009-03-31T18:30:00.002+05:30

தெய்வநம்பிக்கை
உண்டு
பெரும்பாலான
சமயங்களில்

நம்பிக்கை

2009-03-30T19:05:00.003+05:30

நாள்தோறும் தவறவிட்ட பேருந்தாய் வாழ்க்கை
சலனங்களின் தோரணங்களாய் மனதின் சுவாசம்
எறும்பின்மேல் வெல்லக்கட்டியாய் சுமைவண்டிகள்
தூரத்தே கண்சிமிட்டும் நட்சத்திரவானம்

ஆழி சூழ்

2009-03-30T18:21:00.002+05:30

எழுதியதில் மிஞ்சவில்லை
எதுவும் கவிதையென
விளக்கனைத்து கண்மூடியபின்
எனை சூழ்ந்தன
வார்த்தை பிசாசுகள்

ம்ம்ம்

2009-03-28T18:47:00.001+05:30

எழுத தூண்டுவது எது?
தரித்ரத்தை பிணைத்துக்கொள்வது ஏன்?
தொடங்கும் போதே முடிந்து போகிறது
ஒவ்வொரு கவிதையும்
வழக்கம்போல்

ஏதோ ஒன்னு

2009-03-28T17:40:00.004+05:30

மாண்டு போக ஆசை தான்
மரணம் பற்றிய ருசியும் தெரியவில்லை
தெரிந்தவர் யாரேனும் சொல்லலாம்
வாழ்வே தேவலாமுன்னு

சுடும் நீர்

2009-03-18T11:14:00.004+05:30

வலியின் மிச்சம்
காய்ந்த இரு
வரிகள் கன்னத்தில்